विश्वचषक क्रिकेट स्पर्धेत आज भारताचा सामना न्यूझीलंड संघाबरोबर होत आहे. भारताने नाणेफेक जिंकल्यावर प्रथम गोलंदाजी करण्याचा निर्णय घेतला. गेल्या चारही सामन्यांत भारताला नेत्रदीपक यश मिळाले आहे. त्यामुळेच या सामन्यातही भारतीय संघाला विजयाची आशा आहे. मात्र प्रतिस्पर्धी न्यूझीलंड संघ देखील तगडा असल्यामुळे आजचा सामना चुरशीचा ठरण्याची शक्यता वर्तविण्यात येत आहे.
