क्रिकेट विश्वचषकाचा २२वा सामना आज पाकिस्तान आणि अफगाणिस्तान यांच्यात होत आहे. हा सामना चेन्नईच्या एमए चिदंबरम स्टेडियमवर खेळला जात आहे.आतापर्यंत पाकिस्तानने २५ ओव्हर मध्ये १२० धावा केल्या असून २ विकेट गमावल्या आहेत.
दुपारी दोन वाजता ह्या सामन्याला सुरवात झाली असून पाकिस्तानचा कर्णधार बाबर आझमने टॉस जिंकून प्रथम फलंदाजी करण्याचा निर्णय घेतला आहे.
पाकिस्तान आणि अफगाणिस्तान यांच्यात आतापर्यंत एकूण ७ एकदिवसीय सामने खेळले गेले आहेत. यातील सगळ्या सामन्यात पाकिस्तानच्या संघाने विजय मिळवला आहे. अफगाणिस्तानला एकदिवसीय क्रिकेटमध्ये आतापर्यंत पाकिस्तानविरुद्ध एकही विजय मिळवता आला नाही. दरम्यान, आकडे पाहिले असता पाकिस्तानचा संघ अफगाणिस्तानपेक्षा वरचढ ठरला आहे. मात्र, अफगाणिस्तानने कोणत्याही सामन्यात सहजासहजी हार मानलेली नाही.
