महाराष्ट्र केसरी २०२३-२४ च्या अंतिम सामन्यात पुणे जिल्ह्यातील फुलगाव इथे महाराष्ट्र केसरी कुस्ती स्पर्धा सुरु होती. या स्पर्धेतील अखेरची लढत गंगावेस तालमीत कुस्तीचे धडे गिरवणारा सिकंदर शेख आणि गतविजेता महाराष्ट्र केसरी शिवराज राक्षे यांच्यात झाली.
शिवराज राक्षे दुसऱ्यांदा महाराष्ट्र केसरीची गदा उचलणार की सिकंदर यंदाचे महाराष्ट्र केसरीचे मैदान मारत गतवर्षीच्या पराभवाचा बदला घेणार याकडे कुस्ती चाहत्यांचे लक्ष होते .अखेर सिकंदर शेखने शिवराज राक्षेला पराभव करत मानाची महाराष्ट्र केसरीची गदा पटकावली.मानाची चांदीची गदा देत सिकंदर शेखचा सन्मान करण्यात आला.
