तेलंगण विधानसभा निवडणुकीसाठी येत्या ३० नोव्हेंबर रोजी एकाच टप्प्यात मतदान होत आहे.त्यामुळे प्रचाराला जोर चढला असून प्रमुख पक्षाचे नेते एकमेकांवर तुटून पडले आहेत. मोदी आणि ओवेसींच्या मैत्रीवरून काँग्रेस नेते राहुल गांधी यांनी केलेल्या टीकेला एमआयएमचे नेते असदुद्दीन ओवेसी यांनी कडवट शब्दांत प्रत्युत्तर दिले आहे. राहुल गांधीजी, तुम्ही ५० वर्षांचे झालात. एखादा यार शोधा, असा सल्ला ओवेसी यांनी दिला आहे.
२५ नोव्हेंबर रोजी झालेल्या एका जाहीर सभेत राहुल गांधी यांनी ओवेसी व मुख्यमंत्री के चंद्रशेखर राव यांच्यावर निशाणा साधला होता. एमआयएम व बीआरएस हे दोन्ही पक्ष भाजपचे मित्रपक्ष आहेत. ‘मोदीजी के दोन यार, ओवेसी और केसीआर … अशी शाब्दिक कोटीही राहुल यांनी यावेळी केली होती. त्यास ओवेसी यांनी उत्तर देत ओवेसी म्हणाले की, राहुल गांधी यांनी बोलण्यापूर्वी विचार करायला हवा.आता तुमचे वय ५० पेक्षा जास्त आहे. एकटेपणा तुम्हाला त्रास देत असेल.तर एखादा मित्र शोधा असा सल्ला ओवेसी यांनी राहुल गांधींना दिला आहे.
