गेले काही दिवस राज्यात हजेरी लावलेल्या अवकाळी पावसामुळे भाजीपाल्याचे आणि पिकांचे नुकसान होत आहे. मात्र पुन्हा एकदा पुढच्या ४८ तासात पाऊस कोसळण्याची शक्यता हवामानखात्याने वर्तवली आहे.तसेच राज्यातील अनेक भागात आजदेखील पाऊस येऊ शकतो, असा अंदाज पुणे वेधशाळेने वर्तवला आहे.मध्य महाराष्ट्र, मराठवाडा, विदर्भात आज दिवसभरात विजांसह मुसळधार पावसाची शक्यता आहे.
तर नाशिक, नगर, पुणे, छत्रपती संभाजीनगरसह बीड जिल्ह्याला हवामान खात्याकडून पावसाचा यलो अलर्ट देण्यात आला आहे. तसेच राज्यातील काही जिल्ह्यांना रेड अलर्ट जारी करण्यात आला आहे. त्याशिवाय काही ठिकाणी गारपीट होण्याचा अंदाजही वर्तवण्यात आला आहे.
