तेलंगणा विधानसभा निवडणुकीसाठी आज म्हणजेच, गुरुवारी मतदान प्रक्रिया पार पडत आहे. तेलंगणाच्या निवडणुकांसह या वर्षाच्या अखेरपर्यंत पाच राज्यांच्या विधानसभा निवडणुका पार पडत आहेत,
तेलंगणापूर्वी छत्तीसगड, मिझोराम, मध्य प्रदेश आणि राजस्थान विधानसभेसाठी मतदान पार पडले आहे. या पाच राज्यांच्या विधानसभा निवडणुकीची मतमोजणी 3 डिसेंबरला होणार आहे.
तेलंगणात मुख्य लढत मुख्यमंत्री के. चंद्रशेखर राव यांचा पक्ष भारत राष्ट्र समिती (BRS), काँग्रेस (Congress) आणि भाजप (BJP) यांच्यात असल्याचे बोलले जात आहे. मात्र, निवडणुकीपूर्वी करण्यात आलेल्या अनेक सर्वेक्षणांमध्ये बीआरएस आणि काँग्रेस यांच्यात टक्कर होण्याची शक्यता वर्तवण्यात आली आहे.
