चार डिसेंबरपासून संसदेचे अधिवेशन सुरु होत आहे. या अधिवेशन दरम्यान राज्यसभेसाठी नवीन नियमावली जारी करण्यात आली आहे. एकाच वेळी दोन सदस्यांना जागेवरून उठून प्रश्न विचारता येणार नाही. तसेच, जय हिंद. वंदे मातरम या शब्दांवर बंदी घालण्यात आली आहे. तसेच, कोणताही राज्यसभा खासदार ६० दिवस किंवा त्यापेक्षा अधिक दिवस सभागृहात अनुपस्थित राहिल्यास त्याची जागा कायमस्वरूपी रिकामी करण्यात येणार आहे.राज्यसभा कार्यालयाने ही नियमांची यादी जारी केली आहे. यामध्ये एकाच वेळी दोन सदस्यांना जागेवरून उठून प्रश्न विचारता येणार नाही. राज्यसभेत उपस्थित केले जाणारे प्रश्न सार्वजनिक केले जाणार नाहीत. तसेच, राज्यसभेच्या सभागृहात कोणत्याही प्रकारचे फलक झळकवण्यास बंदी घालण्यात आली आहे.
त्याचबरोबर राज्यसभेचे सभापती बोलत असताना सभागृहातील कोणत्याही सदस्याला सभागृह सोडून जाण्यास बंदी घालण्यात आली आहे. राज्यसभा सदस्यांना लिखित भाषण वाचता येणार नाही. राज्यसभेतील कार्यवाही सुरू असताना व्हिडिओग्राफीवर बंदी घालण्यात आली आहे. यासोबतच संपूर्ण संसद परिसरामध्ये धूम्रपान करण्यास बंदी घालण्यात आली आहे.
