अभिनेता रणबीर कपूरचा अ‍ॅनिमल’ हा चित्रपट १ डिसेंबर २०२३ रोजी चित्रपटगृहांमध्ये प्रदर्शित झाला असून सध्या सगळीकडे या चित्रपटाची चर्चा होत आहे. या चित्रपटाला रिलीजच्या पहिल्याच दिवशी प्रेक्षकांचा उत्तम प्रतिसाद मिळाला आहे. अनेक जण चित्रपटातील रणबीर कपूरच्या अभिनयाचे कौतुक करत आहेत.
या चित्रपटाने रिलीजच्या पहिल्याच दिवशी बंपर कमाई केली आहे. ‘अ‍ॅनिमल’ या चित्रपटाने ओपनिंग-डे कलेक्शनमध्ये शाहरुख खानच्या पठाण , सनी देओलच्या गदर 2 आणि सलमान खानच्या टायगर 3 चित्रपटाचा रेकॉर्ड मोडला आहे. तसेच रणबीर कपूरचाही हा प्रदर्शनाच्या पहिल्या दिवशी सर्वात जास्त कमाई करणारा चित्रपट ठरला आहे.
अ‍ॅनिमल या चित्रपटात रणबीरसोबतच रश्मिका मंदाना, अनिल कपूर, बॉबी देओल या कलाकारांनी देखील महत्वाच्या भूमिका साकारल्या आहेत.बॉबी देओलची या चित्रपटातील भूमिका प्रेक्षकांच्या विशेष पसंतीस उतरली आहे.
