पंतप्रधान नरेंद्र मोदीआज महाराष्ट्राच्या दौऱ्यावर येणार आहेत. या दौऱ्यात नरेंद्र मोदी सिंधुदुर्गातील राजकोट किल्ल्यावरील छत्रपती शिवाजी महाराजांच्या पुतळ्याचे अनावरण करतील. तसेच त्यानंतर सिंधुदुर्गात नौदल दिन २०२३ च्या कार्यक्रमात सहभागी होतील. तारकर्ली बीचवर नौदलाच्या प्रदर्शनातही ते सहभागी होणार असल्याची माहिती आहे.
या पार्श्वभूमीवर मोदींच्या सुरक्षिततेसाठी कडकोट बंदोबस्त तैनात करण्यात आला आहे. ४ हजार पोलीस, ४०० पोलीस अधिकाऱ्यांसह ५०० होमगार्ड तैनात असणार आहेत.. प्रशासनाकडून मोदींच्या दौऱ्यासाठी चोख आणि कडेकोट बंदोबस्त करण्यात आला आहे.
