दिल्ली पोलिसांच्या विशेष सेलने गुरुवारी राष्ट्रीय राजधानीत हिजबुल मुजाहिद्दीनच्या वॉन्टेड दहशतवाद्याला ताब्यात घेतले आहे.
अटक करण्यात आलेल्या दहशतवाद्याचे नाव जावेद अहमद मट्टो असे असून त्याच्यावर ५ लाखांचे इनाम होते. जम्मू-काश्मीरमधील अनेक दहशतवादी घटनांमध्ये तो वॉन्टेड होता.
काश्मीरमध्ये अनेक दहशतवादी घटना घडवून तो भूमिगत झाला होता. गुरुवारी दिल्ली पोलिसांच्या स्पेशल सेलने त्याला अटक केली आहे दिल्ली पोलिसांनी याबाबत माहिती दिली आहे.दिल्ली पोलिसांच्या स्पेशल सेलनुसार, राष्ट्रीय तपास संस्थेच्या (एनआयए) पथकाने मट्टोसाठी शोध मोहीम सुरू केली होती.
हिजबुलचा कमांडर जावेद अहमद मट्टो हा सोपोरचा रहिवासी आहे.गेल्या वर्षी स्वातंत्र्य दिनापूर्वी सोशल मीडिया प्लॅटफॉर्मवर व्हायरल झालेल्या व्हिडिओ मध्ये सोपोरमध्ये त्याचा भाऊ रईस तिरंगा फडकवताना दिसला होता.
