पाकिस्तान पीपल्स पार्टी-पार्लियामेंटेरियन्स (पीपीपीपी) च्या केंद्रीय कार्यकारी समितीने (सीईसी) पीपीपीचे अध्यक्ष बिलावल भुट्टो-झरदारी यांच्या नावाला पंतप्रधानपदाचे उमेदवार म्हणून औपचारिक मान्यता दिली आहे, पाकिस्तानातील डॉन वर्तमानपत्राने या संदर्भातील माहिती दिली आहे.
अध्यक्ष आसिफ अली झरदारी यांच्या अध्यक्षतेखाली CEC ची बैठक पार पडली व बैठकीत पक्षाचा निवडणूक प्रचार, जाहीरनामा आणि पाकिस्तानातील सध्याची राजकीय परिस्थिती आणि इतर राजकीय पक्षांशी संपर्क यावर नेत्यांमध्ये चर्चा करण्यात आली. नामांकनानंतर पत्रकारांशी बोलताना बिलावल भुट्टो-झरदारी म्हणाले की, कायदा आणि सुव्यवस्थेची परिस्थिती असूनही ते चारही प्रांतात पीपीपीची निवडणूक प्रचार करणार आहेत. तसेच सत्तेत आल्यानंतर पाकिस्तानमध्ये दहशतवादाला खतपाणी घालणारी सर्व धोरणे रद्द करू. असेही ते म्हणाले. मोठ्या उद्योगांना आणि उच्चभ्रूंना दिले जाणारे पाकिस्तानी रुपया (PKR) 1,500 अब्ज सबसिडी काढून टाकून ही रक्कम शेतकर्‍यांकडे वळवण्याचे त्यांनी यावेळी वचन दिले.
मंगळवारी, पाकिस्तान पीपल्स पार्टी (पीपीपी) ने पाकिस्तान मुस्लिम लीग-नवाझ (पीएमएल-एन) आणि जमियत उलेमा-ए-इस्लाम-फझल (जेयूआय-एफ)
यांच्यावर आगामी निवडणुकांना उशीर करण्यासाठी ‘एकत्र षड्यंत्र’ केल्याचा आरोप केला होता. बिलावल हाऊसमध्ये पत्रकार परिषदेला संबोधित करताना, पीपीपी सिंधचे अध्यक्ष सिनेटर निसार खुहरो म्हणाले की, निवडणुका 8 फेब्रुवारीला झाल्या पाहिजे “काहीही होऊ द्या” आणि सावध केले की निवडणुकांना विलंब करण्याचे कोणतेही पाऊल सर्वोच्चाचा अवमान मानले जाईल.
डॉनच्या वृत्तानुसार, निवडणुकांना उशीर झाल्यामुळे पाकिस्तानातील लोकशाही कमकुवत होईल आणि पाकिस्तानमध्ये मजबूत प्रशासन आणि निवडून आलेले प्रतिनिधी नसल्यामुळे दहशतवादी गटांना जागा मिळेल, असा इशारा निसार खुरो यांनी दिला आहे.
पाकिस्तानचे माजी पंतप्रधान नवाझ शरीफ यांना ८ फेब्रुवारी रोजी निवडणूक घ्यायच्या नसल्याचा दावा पीपीपी नेत्याने केला. तसेच पंजाब या आपल्या भागात देखील त्यांचा प्रभाव होईल असे वाटत असल्याने ते या निवडणुकीपासून पळ काढत असल्याचे पीपीपी नेत्याने सांगितले.
