पुणे: पुण्यातील कोथरूड परिसरामध्ये असणाऱ्या सुतारदरामध्ये गुंड शरद मोहोळवर गोळीबार झाल्याची बातमी समोर येत आहे. त्याच्यावर ३ गोळ्या झाडल्याची प्राथमिक माहिती समोर येत आहे. पुणे पोलिसांचे पथक या ठिकाणी दाखल झाले असून, पुणे पोलीस पुढील तपास करत आहेत. दुपारी दीड वाजण्याच्या सुमारास शरद मोहोळ आपल्या घरातून बाहेर पडल्यावर तीन अज्ञातांनी दुचाकीवरून येऊन त्याच्यावर गोळीबार केल्याची माहिती समोर येत आहे. तसेच शरद मोहोळ या गोळीबारामध्ये जाहमी झाला असून, त्याच्यावर खासगी रुग्णालयात उपचार सुरु असल्याची देखील माहिती समोर आली आहे. हा हल्ला कोणी केला व मारेकरी कुठून आले याचा तपास कोथरूड पोलिसांचे एक पथक व गुन्हे शाखेचे पथक करीत आहेत.
