भारताचे पंतप्रधान नरेंद्र मोदी यांच्याबद्दल ‘अपमानास्पद’ टिप्पणी केल्याबद्दल मालदीव सरकारने मरियम शिउना यांच्यासह तीन मंत्र्यांना निलंबित केले आहे. लक्षद्वीपच्या भेटीनंतर भारतीय पंतप्रधान नरेंद्र मोदी यांच्या विरोधात अशोभनीय टिप्पणी केल्याबद्दल मुइझ्झू सरकारने आपल्या तीन मंत्र्यांवर ही कठोर कारवाई केली आहे. निलंबित करण्यात आलेल्या तिघांमध्ये मंत्री मरियम शिउना, मलशा आणि महजूम मजीद यांचा समावेश आहे.
रविवारी मालदीव सरकारने सांगितले की, भारताविरुद्ध अपमानास्पद टिप्पणी करणाऱ्या, द्वेषयुक्त भाषण पसरवणाऱ्या आणि द्विपक्षीय संबंध बिघडवणाऱ्यांवर कारवाई करण्यास ते मागेपुढे पाहणार नाहीत. सरकारनेही पंतप्रधान मोदींबद्दल केलेल्या टिप्पण्यांपासून त्यांची वैयक्तिक मते दूर ठेवली होती. मंत्र्यांनी केलेल्या टिप्पणीशी सरकारचा काहीही संबंध नाही, असे मालदीव सरकारने म्हटले होते.
मालदीव सरकारने आपल्या निवेदनात पुढे म्हटले आहे की, मालदीव सरकारला परदेशी नेते आणि उच्चपदस्थ व्यक्तींविरुद्ध सोशल मीडिया प्लॅटफॉर्मवर अपमानास्पद टिप्पणीची जाणीव आहे. ही मते वैयक्तिक आहेत आणि ती मालदीव सरकारच्या मतांचे प्रतिनिधित्व करत नाहीत.
सरकारने जारी केलेल्या या वक्तव्यानंतर मालदीवचे माजी राष्ट्रपती तसेच माजी परराष्ट्र मंत्र्यांनी सरकारकडे कारवाईची मागणी केली होती. माजी परराष्ट्र मंत्र्यांनी भारत हा मालदीवचा काळाची कसोटीचा मित्र असल्याचे म्हटले आहे आणि अशा परिस्थितीत अपमानास्पद टिप्पणी केली आहे. याच्या विरोधात खपवून घेतले जाणार नाही, असेही म्हटले आहे. त्यानंतर आता सरकारने तीन मंत्र्यांना निलंबित केले आहे.
