येत्या 22 जानेवारीला अयोध्येतील श्रीराम मंदिरात रामलल्लाच्या मूर्तीचा प्राणप्रतिष्ठा सोहळा पार पडणार आहे. त्यामुळे संपूर्ण देशभरात उत्साहाचे वातावरण पाहायला मिळत आहे. या खास सोहळ्याला अनेक नेतेमंडळींसह कलाकारांना आमंत्रित करण्यात आले आहे. तसेच हा सोहळा पाहण्यासाठी प्रत्येकजण आतूर आणि उत्सुक आहे. यामध्ये आता बॉलिवूड अभिनेता अभिषेक बच्चन देखील राम मंदिर पाहण्यासाठी खूप उत्सुक आहे.
अयोध्येत होणाऱ्या या प्राणप्रतिष्ठा सोहळ्याला उपस्थित राहण्यासाठी बच्चन कुटुंबीयांना आमंत्रित करण्यात आले आहे. या सोहळ्याचे आमंत्रण मिळताच अभिषेक बच्चन चांगलाच उत्सुक झाला आहे. एएनआयने शेअर केलेल्या एका व्हिडीओत अभिषेक बच्चनने म्हटले आहे की, “राम मंदिर मंदिर कसे दिसते हे पाहण्यासाठी आणि दर्शन घेण्यासाठी मी खूप उत्सुक आहे.” अभिषेकचा हा व्हिडीओ त्याच्या कब्बडी संघाच्या सामन्यादरम्यानचा आहे.
अभिषेक बच्चना हा व्हिडीओ सध्या सोशल मीडियावर मोठ्या प्रमाणात व्हायरल होत आहे. तसेच त्याच्या या व्हिडीओला नेटकऱ्यांनी चांगलीच पसंती दर्शवली असून त्यावर प्रतिक्रिया दिल्या आहेत.
दरम्यान, अभिषेक सोबतच बॉलिवूडचे अनेक सेलिब्रिटी या सोहळ्याला उपस्थित राहणार आहेत. यामध्ये बॉलिवूड सोबतच दक्षिणेकडील चित्रपटसृष्टीतील अनेक कलाकार देखील उपस्थित राहणार आहेत. यामध्ये अमिताभ बच्चन, अनुपम खेर, संजय लीला भन्साळी, सनी देओल, रणबीर कपूर, आलिया भट्ट, माधुरी दीक्षित, रजनीकांत, अक्षय कुमार, चिरंजीवी, धनुष, अजय देवगण, प्रभास, यश, मधुर भांडारकर यांसारखे अनेक प्रसिद्ध कलाकार उपस्थित राहणार आहेत.
