नवी दिल्ली : येत्या 22 जानेवारी रोजी अयोध्येत राम मंदिराचा अभिषेक सोहळा पार पडणार आहे. या सोहळ्याला अनेक नेतेमंडळी, कलाकार, परदेशी पाहुणे उपस्थित राहणार आहेत. तसेच पंतप्रधान मोदी हे भव्य मंदिरात रामलल्लाच्या मूर्तीच्या प्राणप्रतिष्ठा सोहळ्याच्या अध्यक्षस्थानी असणार आहेत. यानिमित्ताने पंतप्रधान मोदींनी एक मोठा निर्णय घेतला आहे. ते आजपासून (12 जानेवारी) 22 जानेवारीपर्यंत (नवीन मूर्तीच्या प्राणप्रतिष्ठा सोहळ्याच्या दिवसापर्यंत) 11 दिवसांचा उपवास करणार आहेत.
पंतप्रधान मोदी यांनी सोशल मीडिया प्लॅटफॉर्म X वर म्हटले आहे की, “अयोध्येतील राम लल्लाच्या प्राणप्रतिष्ठा सोहळ्याला फक्त 11 दिवस उरले आहेत. मी भाग्यवान आहे की मी देखील या शुभ सोहळ्याचा साक्षीदार होणार आहे. अभिषेक करताना सर्व भारतीयांचे प्रतिनिधित्व करण्यासाठी परमेश्वराने मला एक संधी दिली आहे. हे लक्षात घेऊन मी आजपासून 11 दिवसांचा विशेष विधी सुरू करत आहे. यासाठू मी तुम्हा सर्वांचे आशीर्वाद घेतो.
अयोध्येतील राम मंदिराच्या गर्भगृहात रामलल्लाच्या नवीन मूर्तीचा प्राणप्रतिष्ठा सोहळा 22 जानेवारीला होणार आहे. हा सोहळा पंतप्रधान मोदींच्या हस्ते होणार आहे. तसेच व्यस्त वेळापत्रक आणि जबाबदाऱ्या असूनही त्यांनी सर्व विधी काटेकोरपणे पाळण्याचा निर्णय घेतल्याचे पंतप्रधान मोदींनी सांगितले आहे.
“या सोहळ्याचे साक्षीदार होण्याचे भाग्य मला लाभले आहे. मी माझ्या आयुष्यात पहिल्यांदाच या भावनेतून जात आहे. मी एका वेगळ्या प्रकारची भक्ती अनुभवत आहे. माझ्यासाठी हा भावनिक प्रवास अनुभवाचा क्षण आहे. तसेच अनेक पिढ्या ज्या स्वप्नासह जगल्या, ते पूर्ण करण्याची संधी मला मिळाली आहे”, असेही पंतप्रधान मोदी म्हणाले.
पुढे पंतप्रधान म्हणाले, “हे माझे भाग्य आहे की मी नाशिक धाम-पंचवटीपासून माझ्या 11 दिवसांच्या उपवासाची सुरुवात करत आहे. पंचवटी ही पवित्र भूमी आहे जिथे भगवान श्रीरामांनी बराच वेळ घालवला होता. आपल्या धर्मग्रंथातही सांगितल्याप्रमाणे, देवाच्या यज्ञ आणि उपासनेसाठी आपल्याला स्वतःमध्ये दैवी चैतन्य जागृत करावे लागेल. यासाठी धर्मग्रंथात उपवास आणि कठोर नियम सांगितले आहेत, ज्याचे पालन करण्यापूर्वी अभिषेक करावा लागतो. मला काही तपस्वी आणि अध्यात्मिक जीवनातील महापुरुषांकडून मिळालेल्या मार्गदर्शनानुसार आणि त्यांनी सुचविलेल्या यम-नियमांच्या अनुषंगाने मी आजपासून 11 दिवसांचा विशेष विधी सुरू करत आहे.”
“या पवित्र प्रसंगी, मी भगवंताच्या चरणी प्रार्थना करतो, मला ऋषी-मुनी आणि तपस्वी यांचे सद्गुण आठवले आणि मी देवाचे रूप असलेल्या लोकांना आशीर्वाद देण्याची प्रार्थना करतो. जेणेकरून कोणतीही कमतरता भासू नये”, असेही मोदी म्हणाले.
