मुंबई : अयोध्येतील राम लल्लाच्या अभिषेक सोहळ्याला उपस्थित राहण्यासाठी अनेक स्टार्सना आमंत्रित करण्यात आले असून ते 22 जानेवारीची आतुरतेने वाट पाहत आहेत. अशातच आता बॉलिवूडचे प्रसिद्ध अभिनेते जॅकी श्रॉफ सध्या एका व्हिडिओमुळे चांगलेच चर्चेत आले आहेत.
एकिकडे राम मंदिराच्या अभिषेक सोहळ्याची तयारी सुरू असताना दुसरीकडे जॅकी श्रॉफ हे राम मंदिराचे आंगण आणि पायऱ्यांची साफसफाई करताना दिसले आहेत. सध्या त्यांचा हा साफसफाई करतानाचा व्हिडिओ सोशल मीडियावर व्हायरल होत आहे. तसेच नेटकऱ्यांनी त्यांचे कौतुक देखील केले आहे.
जॅकी श्रॉफ यांनी सर्वात जुन्या राम मंदिराच्या स्वच्छता मोहिमेत भाग घेतला. तसेच हे राम मंदिर अयोध्येचे नसून मुंबईचे आहे. तर जॅकी श्रॉफ यांची देवाप्रती असलेली भक्ती पाहून चाहते त्यांच्या साधेपणाचे कौतुक करत आहेत.
तर व्हायरल झालेल्या या व्हिडीओत जॅकी श्रॉफ हे जुन्या राम मंदिराच्या बाहेर आणि मंदिराच्या पायऱ्या साफ करताना दिसले. यावेळी त्यांच्या मागे बरेच लोक उभे होते, मात्र जॅकी श्रॉफ हातमोजे घालून साफसफाई करण्यात व्यस्त होते. तसेच स्वच्छतेसोबतच त्यांनी झाडांना पाणीही घातले.
https://twitter.com/ANI/status/1746668516282130468
जॅकी श्रॉफ यांचा हा व्हिडिओ लोकांना खूप आवडला आहे. हा व्हिडिओ पाहिल्यानंतर नेटकऱ्यांनी प्रेमाचा आणि कौतुकाचा वर्षाव केला आहे. जॅकी दादांचे कौतुक करत एका यूजरने कमेंट केली आहे की, ‘झीरोमधून हिरो बनलेल्या व्यक्तीला त्याचे महत्त्व कळते.’ तर दुसऱ्याने लिहिले की, ‘कॅमेऱ्यासमोर आणि मागे असलेला सर्वात नम्र व्यक्ती.’
