पाकिस्तानचा माजी क्रिकेटपटू आणि भारतीय टेनिसपटू सानिया मिर्झा हिचा पती शोएब मलिक ह्याने पाकिस्तानी अभिनेत्री सना जावेदसोबत तिसरे लग्न केल्याची बातमी समोर आली आहे.
गेले काही दिवस टेनिस स्टार सानिया मिर्झा आणि पाकिस्तानी क्रिकेटर शोएब मलिक यांच्या घटस्फोटाची जोरदार चर्चा होती.मात्र दोघांनीही त्याबाबत कोणतीही अधिकृत प्रतिक्रिया दिली नव्हती . मात्र आता थेट शोएबने दुसऱ्या लग्नाचे फोटो पोस्ट करत सर्वांना धक्का दिला दिला आहे.
शोएब मलिक आणि सानिया मिर्झा यांनी 2010 मध्ये हैदराबादमध्ये मुस्लीम पद्धतीने निकाह केला होता. .आता सानिया आणि शोएबचा मुलगा इझान आता पाच वर्षांचा आहे. घटस्फोटाबद्दल सानिया आणि शोएब यांनी मौन बाळगले होते.
शोएब आणि सनाच्या डेटिंगच्या चर्चा गेले काही दिवस चालू होत्या. गेल्या वर्षी तिच्या वाढदिवसानिमित्त शोएबने सोशल मीडियावर खास पोस्ट लिहित शुभेच्छा दिल्या होत्या
दोन दिवसांपूर्वीच सानिया मिर्झाने इन्स्टाग्रामवर एक पोस्ट शेअर करत म्हंटले होते की, घटस्फोट घेणे खूप कठीण आहे आणि लग्न करणे देखील खूप कठीण आहे.तुमचा मार्ग तुम्ही निवडा. यावरून तिच्या आणि शोएबच्या नात्यात सारे काही आलबेल नसल्याच्या चर्चेला एक प्रकारे पुष्टी मिळाली होती.
