काल (22 जानेवारी) अयोध्येतील राम मंदिरात रामलल्लाचा प्राण प्रतिष्ठा सोहळा संपन्न झाला. पंतप्रधान नरेंद्र मोदी यांच्या हस्ते रामलल्लाची विधीवत प्राण प्रतिष्ठा करण्यात आली. त्यामुळे सध्या संपूर्ण जगभरात आनंदाचे आणि उत्साहाचे वातावरण आहे.
तसेच काल झालेल्या राम मंदिराच्या अभिषेक सोहळ्यात पंतप्रधान नरेंद्र मोदींपासून ते बॉलिवूड जगतातील अनेक दिग्गज स्टार्स उपस्थित होते. यावेळी दक्षिणेतील अनेक सुपरस्टार्सनीही या सोहळ्यात सहभाग घेतला होता.
प्राणप्रतिष्ठेनंतर आता संपूर्ण देशभरात ‘जय श्री राम’चा नारा घुमू लागला. जिकडे पाहावे तिकडे रामलल्ला मंदिराशी संबंधित फोटो आणि व्हिडिओ दिसत आहेत. या सगळ्या दरम्यान आता फिल्म इंडस्ट्रीतील अनेक स्टार्सनी रामलल्लाच्या प्राण प्रतिष्ठा सोहळाचा आनंद व्यक्त केला आहे.
यामध्ये बॉलीवूड अभिनेता अक्षय कुमारने सोशल मीडियावर एक व्हिडीओ शेअर केली आहे. हा व्हिडिओ शेअर करत त्याने संपूर्ण देशाला ‘जय श्री राम’ म्हणत राम मंदिराच्या अभिषेकासाठी शुभेच्छा दिल्या आहेत.
तसेच अभिनेता अजय देवगनणेही या सोहळ्यासबाबतची एक पोस्ट शेअर केली आहे. ही पोस्ट शेअर करत त्याने म्हटले आहे की, प्राणप्रतिष्ठेचा दिवस नेहमी स्मरणात राहील कारण काल आपल्या देशातील प्रत्येक रस्ता ‘जय श्री राम’ च्या जयघोषाने गुंजला होता.
दरम्यान, अयोध्येच्या मंदिरात रामलल्लाच्या अभिषेकासाठी काही प्रसिद्ध सेलिब्रिटींना आमंत्रित करण्यात आले होते, ज्यात आलिया भट्ट-रणबीर कपूर, कतरिना कैफ-विकी कौशल, आयुष्मान खुराना यांच्या नावांचा समावेश आहे.
