उत्तेश्वर देवाच्या यात्रेसाठी मुख्यमंत्री एकनाथ शिंदे सातारा जिल्ह्यातील त्यांच्या दरे गावी पोचले आहेत. मुख्यमंत्री शिंदे यांनी हळदीच्या शेतात हळद काढण्याचेही काम यावेळी केले आहे . यावेळी पत्रकारांनी विचारलेल्या प्रश्नांला उत्तर देताना मुख्यमंत्र्यांनी उद्धव ठाकरेंवर कडाडून टीका केली आहे.
ते म्हणाले की, लांडग्यांनी वाघाचं कातडं घातलं तरी ते वाघ होत नाहीत वाघ एकच फक्त बाळासाहेब ठाकरे आहेत. त्यांचे हिंदुत्वाचे विचार घेऊन आम्ही पुढे चाललो आहे. बाळासाहेबांचे विचार कोणी सोडले? बाळासाहेबांनी काँग्रेसला दूर ठेवलं. भविष्यात माजी शिवसेना काँग्रेस होईल, त्यावेळी मी माझं दुकान बंद करीन असं त्यांनी सांगितले होते. पण हे काँग्रेसच्या मागे गेले असून बाळासाहेबांचे विचार त्यांनी सोडले आहेत.
तसेच मोंदींबद्दल यांना पोटदुखी आहे. मोदी आले की यांची पोट दुखी सुरु होते,खरे तर यांनी पंतप्रधानांचे आभार मानायला हवेत,मोदीनी जे बाळासाहेबांचे स्वप्न 370 कलम,राम मंदीर बनवण्याचे स्वप्न पूर्ण केले त्यांचे आभार मानले पाहिजे होते. त्यांना साष्टांग दंडवत घालायला पाहिजे होता, पण हे काँग्रेसला दंडवत घालत आहेत. असेही एकनाथ शिंदे यावेळी म्हणाले आहेत.
