आज लालू प्रसाद यादव यांची ईडीकडून चौकशी करण्यात येत आहे. पाटणा येथील ईडी कार्यालयात लालू प्रसाद यादव यांची चौकशी सुरू आहे. लालू यादव हे त्यांची मुलगी मिसा यादवसोबत ईडी कार्यालयात पोहोचले. यावेळी ईडी कार्यालयाबाहेर राजद कार्यकर्त्यांची मोठी गर्दी होती.
जमिनीच्या बदल्यात नोकरी घोटाळ्याप्रकरणी दिल्ली उच्च न्यायालयाने लालू यादव आणि त्यांच्या कुटुंबातील काही सदस्यांना समन्स बजावले होते. यामध्ये लालू यादव, त्यांची पत्नी राबडी यादव आणि मुलगी हेमा यादव यांना उच्च न्यायालयाने समन्स बजावले आहे.
ईडीचा खटला सीबीआयच्या एफआयआरवर आधारित आहे ज्यामध्ये लालू प्रसाद यादव यांनी 2008-09 मध्ये रेल्वेमंत्री असताना जमिनीच्या बदल्यात लोकांना रेल्वेत नोकऱ्या दिल्याचा आरोप करण्यात आला आहे. लालूंशिवाय त्यांची पत्नी राबडी देवी आणि मुली मीसा आणि हेमा यादव यांच्यासह 2008-09 मध्ये रेल्वेत नोकरी देण्यात आलेल्या 12 जणांचीही नावे आहेत.
मार्च 2023 मध्ये ईडीने लालू यादव आणि त्यांच्या कुटुंबीयांच्या घराची झडती घेतली होती. आणि एक कोटी रुपयांची बेहिशेबी रोकड जप्त केल्याचा दावा केला होता. त्यानंतर एजन्सीने 24 ठिकाणी शोध घेतला, त्यादरम्यान त्यांनी $1900 किमतीचे विदेशी चलन, 540 ग्रॅम सोन्याचे सराफा आणि 1.5 किलो सोन्याचे दागिने देखील जप्त केले.
यापूर्वी ईडीने लालू यादव यांना 29 जानेवारीला आणि तेजस्वी यादव यांना 30 जानेवारीला नोकरीसाठी जमीन प्रकरणी चौकशीसाठी समन्स पाठवले होते. या प्रकरणी आणखी एक आरोपपत्रही दाखल करण्यात आले आहे. ज्यावर दिल्लीतील राऊस एव्हेन्यू कोर्टाने 27 जानेवारीला सुनावणी केली. पुढील सुनावणी 9 फेब्रुवारीला निश्चित करण्यात आली आहे. ज्यामध्ये राबडी देवी आणि मीसा यादव यांच्यासह सर्व आरोपींना कोर्टात हजर राहायचे आहे ज्यांच्या विरोधात तपास यंत्रणा ईडीने आरोपपत्र दाखल केले आहे.
