BCCI चे सचिव जय शाह यांची आशियाई क्रिकेट परिषदेच्या (ACC) अध्यक्षपदी निवड झाली आहे. जय शाह यांची आशियाई क्रिकेट परिषदेचे अध्यक्ष म्हणून तिसरी टर्म असेल. याबाबत अधिकृत घोषणा देखील करण्यात आली आहे.
जय शाह यांचा दुसरा कार्यकाळ अजून संपलेला नसतानाच आता त्यांची तिसऱ्यांदा अध्यक्ष म्हणून निवड झाली आहे. तसेच नोव्हेंबरमध्ये आयसीसीच्या निवडणुका होणार आहेत. तर जय शाह ही निवडणूक लढू शकतात, अशी शक्यता वर्तवली जात आहे.
आशिया कप 2025 संदर्भात इंडोनेशियातील बाली येथे बैठक सुरू आहे. 2025 मध्ये आशिया कपचा पुढील हंगाम होणार आहे. तसेच ही स्पर्धा टी-20 फॉरमॅटमध्ये खेळली जाणार आहे.
दरम्यान, 30 जानेवारी 2021 रोजी जय शाह यांची ACC च्या अध्यपदी निवड झाली होती. त्यांच्या आधी ACC च्या अध्यपदी पाकिस्तानचे नजमुल हसन हे होते. तर आता याच पदावर जय शाह यांची तिसऱ्यांदा निवड झाली आहे. तसेच शाह हे 2019 पासून बीसीसीआयच्या सचिवपदी कार्यरत आहेत.
