बॉलिवूडला मोठा धक्का बसला आहे. प्रसिद्ध अभिनेत्री आणि मॉडेल पुनम पांडेचे निधन जाले आहे. ती 32 वर्षांती होती. ही धक्कादायक माहिती पुनम पांडेच्या अधिकृत इन्स्टाग्राम अकाऊंटवरून देण्यात आली आहे. त्यामुळे सोशल मीडियावर एकच खळबळ उडाली आहे.
पुनमच्या इन्स्टाग्राम अकाऊंटवरून तिच्या टीमने याबाबतची माहिती दिली आहे. त्यांनी पोस्ट शेअर करत म्हटले आहे की, हे सांगणे आमच्यासाठी खूपच कठीण आहे. पुनमला सर्व्हिकल कँसर झाला होता. आमच्यासाठी हा मोठा संघर्षाचा काळ आहे. ज्या घटना घडल्या आहेत त्यामुळे आम्ही सगळे मोठ्या धक्क्यात आहोत. पुनमचे असे अकाली जाणे आपल्या सर्वांसाठी मोठे धक्कादायक आहे.
मिळालेल्या माहितीनुसार, गुरूवारी रात्री पुनमचे निधन झाले आहे. कानपूर येथील तिच्या राहत्या घरी पुनमचे निधन झाले आहे. तसेच ही धक्कादायक माहिती समजताच बॉलिवूड इंडस्ट्रीवर शोककळा पसरली असून तिच्या चाहत्यांना मोठा धक्का बसला आहे.
दरम्यान, पुनम ही नेहमी तिच्या हटके स्टाईल आणि बोल्डनेसमुळे चर्चेत असायची. तिचा चाहता वर्गही लाखोंच्या संख्येत आहे. तसेच पुनम गेल्या वर्षी कंगना रणौतच्या लॉकअप या शोमध्ये सहभागी झाली होती. या शोनंतर पुनमची लोकप्रियता चांगलीच वाढली होती.
