काँग्रेसवर जोरदार निशाणा साधत पंतप्रधान नरेंद्र मोदी यांनी आज गुवाहाटीमध्ये बोलताना काँग्रेसवर सडकून टीका केली आहे, दुर्दैवाने, स्वातंत्र्यानंतर बराच काळ सत्तेत असलेल्यांना आमच्या पवित्र स्थळांचे महत्त्व समजले नाही पण आताही राजकीय फायद्यासाठी ते आपल्याच संस्कृतीचा अपमान करण्याचा नवा पायंडा पाडू पाहत आहेत.
काँग्रेसचे राष्ट्रीय अध्यक्ष मल्लिकार्जुन खरगे, माजी अध्यक्षा सोनिया गांधी आणि राहुल गांधी यांच्यासह काँग्रेसच्या दिग्गजांनी उत्तर प्रदेशातील अयोध्या येथे नुकत्याच झालेल्या राम लल्लाच्या ‘प्राण प्रतिष्ठे’चे निमंत्रण नाकारले होते. .
आज गुवाहाटी येथे मां कामाख्या दिव्य परियोजनेसह ११,५९९ कोटी रुपयांच्या प्रकल्पांचे उद्घाटन आणि पायाभरणी केल्यानंतर गुवाहाटी येथे एका मेळाव्याला संबोधित करताना पंतप्रधान मोदी यांनी आपल्या भाषणामध्ये काँग्रेसवर टीका केली आहे. 11,000 कोटी रुपयांच्या प्रकल्पांच्या उद्घाटनामुळे आसाम, ईशान्येकडील दक्षिण आशियातील इतर देशांशी संपर्क मजबूत होईल.
“मां कामाख्याच्या आशीर्वादाने आसामसाठी प्रकल्प समर्पित करण्याचे माझे भाग्य आहे. 11,000 कोटी रुपयांच्या प्रकल्पांच्या उद्घाटनामुळे आसाम आणि ईशान्येकडील इतरत्र दक्षिण आशियातील इतर देशांशी संपर्क मजबूत होईल.तसेच या प्रकल्पांमुळे पर्यटन क्षेत्रात रोजगाराच्या संधी वाढतील. असे मोदी आपल्या भाषणादरम्यान म्हणाले आहेत.
“अयोध्येतील भव्य कार्यक्रमानंतर, मी आता कामाख्या मातेच्या द्वारी येथे आहे. आज मला येथे मां कामाख्या दिव्य योजना प्रकल्पाची पायाभरणी करण्याचे सौभाग्य मिळाले. या पवित्र स्थळाच्या देवत्वाची जाणीव होते. हा प्रकल्प देशभरातील आणि जगभरातील माँ कामाख्याच्या भक्तांसाठी अपार आनंदाचा ठेवा ठरेल. असे पंतप्रधान मोदी म्हणाले आहेत. माँ कामाख्या ऍक्सेस कॉरिडॉर पूर्ण झाल्यानंतर संपूर्ण ईशान्येकडील पर्यटनाचे प्रवेशद्वार बनेल असेही ते आपल्या भाषणात म्हणले आहेत
ईशान्येकडील पायाभूत सुविधांना चालना देण्याच्या पंतप्रधान मोदींच्या प्रयत्नांचे कौतुक करताना आसामचे मुख्यमंत्री हिमंता बिस्वा सरमा म्हणाले, “आजचा दिवस आसामसाठी सुवर्ण दिवस आहे. पंतप्रधान मोदींच्या कार्यकाळात आसाममध्ये अभूतपूर्व शांतता आणि समृद्धी पाहायला मिळाली. हजारो तरुणांनी अतिरेकी सोडून मुख्य प्रवाहात परतले. ब्रह्मपुत्रेवर नऊ पूल बनवले. ते फक्त मोदींच्या राजवटीतच होऊ शकले.
मां कामाख्या दिव्य परियोजना (मा कामाख्या प्रवेश कॉरिडॉर), जी पूर्वोत्तर क्षेत्रासाठी पंतप्रधान विकास पुढाकार (PM-DevINE) योजनेंतर्गत मंजूर करण्यात आली आहे, ती कामाख्या मंदिराला भेट देणाऱ्या यात्रेकरूंना जागतिक दर्जाच्या सुविधा पुरवेल.
याशिवाय, आज पंतप्रधान मोदींनी 3400 कोटी रुपयांपेक्षा जास्त किमतीच्या अनेक रस्ते अपग्रेडेशन प्रकल्पांची पायाभरणी केली, ज्या अंतर्गत दक्षिण आशिया उपप्रादेशिक आर्थिक सहकार्य (SASEC) कॉरिडॉर कनेक्टिव्हिटीचा भाग म्हणून 38 पुलांसह 43 रस्ते अपग्रेड केले जातील. डोलाबारी ते जामुगुरी आणि विश्वनाथ चारियाली ते गोहपूर अशा दोन 4-लेनिंग प्रकल्पांचे उद्घाटनही पंतप्रधानांनी आज केले. या प्रकल्पांमुळे इटानगरशी कनेक्टिव्हिटी सुधारण्यास मदत होईल आणि प्रदेशाच्या सर्वांगीण आर्थिक विकासाला चालना मिळेल.
राज्यातील क्रीडा पायाभूत सुविधांना चालना देण्यासाठी त्यांनी प्रकल्पांची पायाभरणी केली. चंद्रपूरमध्ये आंतरराष्ट्रीय दर्जाचे क्रीडा स्टेडियम आणि नेहरू स्टेडियमचे फीफा मानकांमध्ये सुधारणा या प्रकल्पांचा समावेश आहे. पंतप्रधान मोदींनी गुवाहाटी मेडिकल कॉलेज आणि हॉस्पिटल आणि करीमगंज येथे वैद्यकीय महाविद्यालयाच्या पायाभूत सुविधांच्या विकासासाठी पायाभरणी केली.
