महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस या नेहमी काहीना काही कारणांमुळे चर्चेत असतात. कधी त्या त्यांच्या गाण्यामुळे चर्चेत असतात तर कधी त्या त्यांच्या रोखठोक भूमिकेमुळे चर्चेत येतात. बऱ्याचदा अमृता फडणवीस विरोधकांवरही टीका करताना दिसतात. मात्र, यावेळी अमृता फडणवीसांनी अनोख्या पद्धतीने विरोधकांवर निशाणा साधला आहे.
अमृता फडणवीस यांनी खास उखाण्यातून विरोधकांवर निशाणा साधला आहे. त्यामुळे सध्या त्यांच्या या उखाण्याची जोरदार चर्चा सुरू आहे. नागपूरमध्ये भाजप महिला आघाडीच्या वतीने दक्षिण-पश्चिम मंडळाकडून विकासाचे वाण हळदी-कुंकू या कार्यक्रमाचे आयोजन करण्यात आले होते. या कार्यक्रमात अमृता फडणवीस उपस्थित होत्या.
हळदी-कुंकूच्या या कार्यक्रमात अमृता फडणवीसांनी महिलांशी संवाद साधाला. तसेच यावेळी त्यांनी खास उखाणा घेत विरोधकांना टोला लगावला. “देवेंद्रजींनी मारले नाकर्तेपणावर बाण आणि घेऊन आले विकासाचे वाण…आपण सर्वांनी स्वीकारावे आणि एकत्र महाराष्ट्र करू निर्माण”, असा खास उखाण अमृता फडणवीस यांनी घेतला.
दरम्यान, सध्या अमृताजी फडणवीस यांचा हा उखाणा चांगलाच चर्चेत आहे. तसेच अमृता फडणवीसांनी या कार्यक्रमात महिलांच्या आग्रहाखातर एक गाणे देखील गायले.
