उपमुख्यमंत्री देवेंद्र फडणवीस यांनी आळंदीत गीत-भक्ती अमृत महोत्सव कार्यक्रमाला हजेरी लावली होती. यावेळी देवेंद्र फडणवीसांनी मोठे वक्तव्य केले आहे. राम मंदिराप्रमाणेच मथुरेतही श्रीकृष्ण मंदिर निर्माण होईल, असे वक्तव्य फडणवीसांनी केले आहे. ते प्रसार माध्यमांशी बोलत होते.
यावेळी देवेंद्र फडणवीस म्हणाले की, अयोध्या, काशी, मथुरा ही अत्यंत पवित्र ठिकाणे आहेत. ज्या पद्धतीने राम जन्मभूमी निर्माण झाली त्या पद्धतीने मथुरेतही कृष्ण मंदिर निर्माण व्हावे ही लोकांची अपेक्षा आहे.
मला विश्वास आहे की ज्या पद्धतीने कायदेशीर प्रक्रिया पूर्ण करत राम मंदिर निर्माण झाले त्या पद्धतीने मथुरेतही श्रीकृष्ण मंदिर सौहार्दपूर्ण वातावरणात निर्माण होईल, असेही देवेंद्र फडणवीस म्हणाले.
दरम्यान, आळंदीत गीत-भक्ती अमृत महोत्सव या कार्यक्रमाला देवेंद्र फडणवीस यांच्यासह मुख्यमंत्री योगी आदित्यनाथ, बाबा रामदेव, श्री. श्री. गोविंद महाराज, चंद्रकांत पाटील आदी उपस्थि होते.
