महाराष्ट्र काँग्रेसचे प्रभारी रमेश चेन्निथला यांनी मंगळवारी माजी मुख्यमंत्री आणि काँग्रेसमधले जेष्ठ नेते अशोक चव्हाण यांना पक्ष सोडून भारतीय जनता पक्षात प्रवेश केल्याबद्दल फटकारले आहे ते पुढे म्हणाले की “ज्यांना स्वार्थासाठी पक्ष सोडायचा आहे आणि ईडी आणि सीबीआयचा दबाव आहे ते जाण्यास मोकळे आहेत”.तसेच अशोक चव्हाण यांच्या व्यतिरिक्त काँग्रेसमधून कुणीही भाजपात जाणार नाही. काँग्रेस एकजुटीने महाराष्ट्रात काम करणार आहे. मात्र जे लोकं काँग्रेस सोडून जात आहेत त्यांच्यासोबत कुणीच उभं राहणार नाही अशी प्रतिक्रियाही त्यांनी पत्रकार परिषदेला संबोधित करताना दिली आहे.
या पत्रकार परिषदेला काँग्रेसचे प्रदेशाध्यक्ष नाना पटोले आणि काँग्रेस नेते बाळासाहेब थोरात हे देखील उपस्थित होते.
चेन्निथला म्हणाले की “महाराष्ट्रात अशोक चव्हाण यांच्याशिवाय कोणीही पक्ष सोडणार नाही. काँग्रेस एकजूट आहे आणि खर्गे यांच्या नेतृत्वाखाली काम करेल. अशोक चव्हाण यांनी आपली भूमिका स्पष्ट करावी. एक राजकीय नेता म्हणून त्यांनी हा निर्णय का घेतला हे स्पष्ट करणे आवश्यक आहे. पक्षाने त्याला सर्व काही दिले. लोक त्याच्यावर लक्ष ठेवून आहेत. त्याच्यावर काय दबाव आहे? तो ईडीचा दबाव आहे का? त्याने उत्तर दिले पाहिजे. काँग्रेस आता मजबूत होईल; आम्हाला काहीही फरक पडणार नाही,” ते म्हणाले.
“कोणीही काँग्रेस सोडणार नाही, परंतु ज्यांना स्वार्थासाठी आणि ईडी आणि सीबीआयच्या दबावाखाली सोडायचे आहे ते जाण्यास मोकळे आहेत,” ते पुढे म्हणाले.
चेन्निथला पुढे म्हणाले की, आगामी लोकसभा निवडणुकीत महाविकास आघाडीला (एमव्हीए) कमकुवत करणे हा भाजपचा अजेंडा आहे कारण त्यांना माहित आहे की आगामी लोकसभा निवडणुकीत महाविकास आघाडीला यश मिळू शकते.
चेन्निथला या पत्रकार परिषदेदरम्यान अशोक चव्हाण यांच्यावर संतापलेले दिसून आले, आम्ही त्यांना जागावाटपावर चर्चा करण्यासाठी मोकळे हात दिले आहेत. आणखी काय अपेक्षित आहे? त्यांनी माझ्याकडे कधीही कोणत्याही गोष्टीची तक्रार केली नाही; तो महाराष्ट्रात आमचा चेहरा होता. पण तो रणांगण सोडून पळून गेला. आणखी काय पक्ष करू शकतो का? आम्ही त्यांना निर्णय घेण्याचा अधिकार दिला आहे,” असे ते म्हणाले.
तसेच इतर आमदारांना इशारा देताना चेन्निथला म्हणाले की, “लोकसभा निवडणुकीच्या पार्श्वभूमीवर, कोणत्याही आमदारांनी पक्ष सोडण्याचा प्रयत्न केल्यास त्याची पक्षातून हकालपट्टी केली जाईल. त्याला सहा वर्षांसाठी निलंबित केले जाईल आणि तो पुन्हा निवडणूक लढू शकणार नाही. असे रमेश चेन्निथला म्हणाले.
निवडणुकीसाठी आमच्याकडे संख्याबळ आहे आणि आमचा शिवसेना (उबाठा) आणि NCP वर विश्वास आहे. अजित पवारांनी 70,000 कोटींचा घोटाळा केला, तर त्यांना भाजपमध्ये सामील करून घेण्यात आले , मग आता ते स्वच्छ झाले का ? भाजप ही वॉशिंग मशीन आहे का, असे म्हणत चेन्निथला यांनी अजित पवारावरही टीका केली आहे. .
