पंतप्रधान नरेंद्र मोदी यांनी बुधवारी अबुधाबी, UAE मधील भव्य बोचासनवासी अक्षर पुरुषोत्तम स्वामीनारायण संस्था (BAPS) मंदिर या पहिल्या हिंदू मंदिराचे उद्घाटन केले. पंतप्रधान मोदींचे मंदिर परिसरात आगमन झाल्यानंतर BAPS चे ईश्वरचरणदास स्वामी यांनी स्वागत केले. त्यांनी मंदिरात पूजा करून आरती केली. बसंत पंचमीच्या शुभ मुहूर्तावर मंदिराचे उद्घाटन करण्यात आले. अबुधाबीतील पहिले हिंदू मंदिर म्हणून, BAPS मंदिर हे सांस्कृतिक आणि आध्यात्मिक महत्त्वाचे केंद्रबिंदू बनले आहे, जगाच्या विविध कानाकोपऱ्यांमधून भक्तांना आकर्षित करत आहे.
दरम्यान, आज BAPS हिंदू मंदिराच्या लोकार्पणापूर्वी पुजाऱ्यांनी धार्मिक विधी करत, मूर्तींवर अभिषे करत देवतांची प्राणप्रतिष्ठा केली. PM मोदी मंगळवारी दोन दिवसांच्या दौऱ्यावर UAE मध्ये पोहोचले आणि काल आयोजित ‘Ahlan Modi’ डायस्पोरा कार्यक्रमात BAPS मंदिराबद्दल बोलले. BAPS हिंदू मंदिराला मान्यता दिल्याबद्दल त्यांनी UAE चे अध्यक्ष मोहम्मद बिन झायेद अल नाहयान यांचे आभार मानले आणि ते म्हणाले की हे त्यांचे भारतावरील प्रेम आणि आदर दर्शवते आणि त्यांच्या प्रेम आणि समर्थनाशिवाय हे शक्य नव्हते. उल्लेखनीय म्हणजे, मंदिर, संयुक्त अरब अमिरातीमधील पहिले पारंपारिक हिंदू मंदिर, 27 एकर जमिनीवर वसले आहे जी भूमि UAE च्या राष्ट्राध्यक्षांनी उदारपणे भेट दिली आहे.
108 फूट उंच उभे असलेले, BAPS हिंदू मंदिर हे केवळ आध्यात्मिक भक्तीचे प्रतीकच नाही तर अभियांत्रिकी आणि कारागिरीचा चमत्कार देखील आहे. 2017 मध्ये पंतप्रधान मोदी यांच्या हस्ते सांस्कृतिक एकतेचे प्रतीक असलेल्या या मंदिराची कोनशिला व पायाभरणी करण्यात आली होती. गेल्या आठ महिन्यांत पंतप्रधान मोदींचा आखाती देशाला दिलेला तिसरा दौरा आहे. पीएम मोदी 13-14 फेब्रुवारी दरम्यान दोन दिवसीय UAE दौऱ्यावर आहेत, त्यानंतर ते दोहाला रवाना होतील.
