प्रसिद्ध अभिनेते ऋतुराज सिंह यांचे निधन झाले आहे. त्यांनी वयाच्या 59व्या वर्षी अखेरचा श्वास घेतला. ऋतुराज सिंह यांचे हृदयविकाराच्या झटक्याने निधन झाले आहे. तसेच त्यांना स्वादुपिंडाशी संबंधित समस्या देखील जाणवत होत्या. तर ऋतुराज यांच्या निधनाची बातमी त्यांचे जवळचे मित्र अमित बहल यांनी दिली आहे.
ऋतुराज सिंह हे छोट्या पडद्यावरील प्रसिद्ध अभिनेते होते. त्यांनी ये रिश्ता क्या कहलता है, दिया और बाती हम, हिटलर दीदी, आहट और अदालत, होगी अपनी बात यासारख्या अनेक मालिकांमध्ये काम केले आहे.
मालिकांसोबतच ऋतुराज यांनी चित्रपटांमध्ये देखील महत्त्वाच्या भूमिका साकारल्या आहेत. डर, बाजीगर, बद्रीनाथ की दुल्हनिया, मेरी आवाज ही पहचान है, रितु आशिकी, तडप यासारख्या अनेक चित्रपटांमध्ये त्यांनी काम केले आहे.
ऋतुराज यांच्या निधनानंतर मनोरंजनसृष्टीवर शोककळा पसरली आहे. तसेच त्यांच्या निधनांनतर त्यांचे चाहते आणि कलाकार सोशल मीडियावरून त्यांना श्रद्धांजली वाहत आहेत.
