आयपीएल 2024 च्या 17 व्या हंगामाची तारीख जाहीर झाली आहे. यावेळी 10 संघांसह जगातील सर्वात मोठी लीग 22 मार्चपासून सुरू होणार आहे. याबाबतची माहिती लीगचे अध्यक्ष अरुण धुमाळ यांनी मंगळवारी प्रसारमाध्यमांना दिली आहे.
देशात लोकसभा निवडणुकाही होणार आहेत. हे लक्षात घेऊन आयपीएल 2024 च्या 17 व्या हंगामाची तारीख जाहीर करण्यात आली आहे. तसेच आयपीएलला या लीगचे वेळापत्रक सरकारच्या सहकार्याने बनवावे लागणार आहे. देशभरातील या सार्वत्रिक निवडणुका सुमारे 7 किंवा 8 टप्प्यांत होणार आहेत, त्यामुळे सुरक्षेच्या दृष्टिकोनातून या लीगचे वेळापत्रक निवडणुकांच्या समन्वयाने सादर केले जाईल.
वृत्तसंस्था पीटीआयने अरुण धुमाळ यांच्या हवाल्याने सांगितले की, ही स्पर्धा 22 मार्चला सुरू होऊ शकते. तसेच आम्ही सरकारी एजन्सींसोबत मिळून काम करत आहोत. तर यंदाच्या सर्व स्पर्धा भारतात होणार आहेत.
https://twitter.com/ians_india/status/1759865754428514620
दरम्यान, लोकसभा निवडणुकीदरम्यान आयपीएल 2024 चा 17 वा हंगाम भारतातच खेळला जाणार असल्याचे स्पष्ट झाले आहे. मात्र, यापूर्वी 2009 आणि 2014 मध्ये लोकसभा निवडणुकीमुळे आयपीएलचे आयोजन परदेशात करण्यात आले होते.
