बॉलिवूडची प्रसिद्ध अभिनेत्री दीपिका पदुकोण आणि अभिनेता रणवीर सिंह हे सोशल मीडियावर नेहमी चर्चेत असतात. त्यांचा चाहता वर्गही लाखोंच्या संख्येत आहे. तसेच दीपिका आणि रणवीर सिंह हे बॉलिवूडमधील लोकप्रिय कपल म्हणूनही ओळखले जातात. तर आता हे लोकप्रिय कपल त्यांच्या वैयक्तिक आयुष्यामुळे पुन्हा एकदा चर्चेत आले आहे. दीपिका आणि रणवीर लवकरच आई-बाबा होणार असल्याच्या चर्चांना उधाण आले आहे.
सध्या सोशल मीडियावर एक व्हिडीओ व्हायरल होत आहे. या व्हिडीओनंतर दीपिका आई होणार असल्याचे म्हटले जात आहे. दीपिकाने बाफ्टा फिल्म अवॉर्ड्स सोहळ्यात हजेरी लावली होती. यादरम्यानचा तिचा एक व्हिडीओ व्हायरल होत आहे.
बाफ्टा फिल्म अवॉर्ड्स सोहळ्यात दीपिकाने सब्यसाची मुखर्जीने डिझाइन केलेली गोल्डन शिमरी साडी परिधान केली होती. या साडीत ती खुपच सुंदर दिसत होती. तर यादरम्यानचा तिचा एक व्हिडीओ व्हायरल होत असून यामध्ये ती तिचा बेबी बंप लपवताना दिसत आहे, असा अंदाज नेटकऱ्यांनी व्यक्त केला आहे.
https://www.instagram.com/p/C3forlesrgO/?utm_source=ig_web_copy_link
बाफ्टा फिल्म अवॉर्ड्स सोहळ्यातील दीपिकाच्या या व्हिडीओनंतर सोशल मीडियावर तिच्या प्रेग्नेंसीच्या चर्चा सुरू झाल्या आहेत. याआधीही ‘फायटर’ चित्रपटाच्या प्रमोशन दरम्यान दीपिकाच्या प्रेग्नेंसीच्या चर्चा सुरू होत्या. मात्र, अद्याप यावर दीपिका आणि रणवीरने कोणतीही प्रतिक्रिया दिलेली नाहीये.
