प्रसिद्ध अभिनेत्री अनुष्का शर्मा आणि स्टार क्रिकेटर विराट कोहली हे दुसर्‍यांदा आई-बाबा झाले आहेत. अनुष्काने गोंडस मुलाला जन्म दिला आहे. विशेष म्हणजे विराट-अनुष्काने त्यांच्या मुलाचे नावही जाहीर केले आहे.
अनुष्काने 15 फेब्रुवारीला एका गोंडस मुलाला जन्म दिला आहे. या गोड बातमी स्वत: अनुष्का आणि विराटने सोशल मीडियावर एक पोस्ट शेअर करत दिली आहे. त्यामुळे सध्या त्यांच्या चाहत्यांमध्ये आनंदाचे वातावरण आहे.
विराटने X वर एक पोस्ट शेअर केली आहे. यामध्ये त्याने म्हटले आहे की, “मोठ्या प्रमाने आम्हाला सांगायला आनंद होत आहे की, 15 फेब्रुवारी रोजी आम्ही आमचे चिमुकले बाळ ‘अकाय’चे अर्थात वामिकाच्या छोट्या भावाचे या जगात स्वागत केले. आमच्या जीवनातील या सुंदर काळासाठी आम्हाला तुमच्या सदिच्छांची अपेक्षा आहे. तसेच यावेळी आमच्या गोपनीयतेचा तुम्ही आदर करावा हीच तुमच्याकडे विनंती.”
विराट आणि अनुष्काने त्यांच्या बाळाचे नाव देखील जाहीर केले आहे. ‘अकाय’ असे त्यांच्या बाळाचे नाव आहे. तसेच विराट- अनुष्काने ही गोड बातमी सोशल मीडियावर शेअर करताच त्यांच्यावर त्यांच्या चाहत्यांनी आणि अनेक कलाकार आणि क्रिडा विश्वातील खेळाडूंनी शुभेच्छांचा वर्षाव केला आहे.
दरम्यान, अनुष्का-विराट हे दुसऱ्यांदा आई-बाबा झाले आहेत. अनुष्काने 11 जानेवारी 2021 रोजी वामिकाला जन्म दिला होता. तर आता त्यांनी त्यांच्या दुसऱ्या बाळाचेही स्वागत केले आहे. दुसऱ्या प्रेग्नेंसीबाबत विराट-अनुष्काने गोपनियता ठेवली होती. मात्र, सप्टेंबर 2023 मध्ये अनुष्काची प्रेग्नेंट असल्याची बातमी समोर आली होती. तसेच तिचे एका व्हिडीओमध्ये बेबी बंप देखील दिसून आले होते. त्यानंतर अखेर काल विरूष्काने ही गोड बातमी चाहत्यांसोबत शेअर केली आहे.
