बॉलिवूडची प्रसिद्ध अभिनेत्री उर्वशी रौतेला ही नेहमी काहीना काही कारणांमुळे चर्चेत असते. उर्वशी तिच्या अभिनयापेक्षा वैयक्तिक कारणांमुळे जास्त चर्चेत असते. तर आता ती तिच्या वाढदिवसामुळे चर्चेत आली आहे. आज उर्वशीने तिचा 30 वा वाढदिवस साजरा केला आहे. विशेष म्हणजे तिने चक्क 24 कॅरेट सोन्याचा केक कापून तिचा वाढदिवस साजरा केला आहे.
सध्या उर्वशी रौतेलाचे बर्थडे सेलिब्रेशनचे फोटो सोशल मीडियावर मोठ्या प्रमाणात व्हायरल होत आहेत. या फोटोंमध्ये उर्वशी रॅपर हनी सिंहसोबत आपला वाढदिवस साजरा करताना दिसत आहे. वाढदिवसादिवशी उर्वशीने चक्क 24 कॅरेट सोन्याचा केक कट केला आहे. या सेलिब्रेशन दरम्यान तिने लाल रंगाचा ड्रेस परिधान केला होता ज्यात ती खूपच सुंदर दिसत होती.
उर्वशीने तिच्या इन्स्टाग्राम अकाऊंटवर या सेलिब्रेशनचे फोटो शेअर केले आहेत. हे फोटो शेअर करत तिने लिहिले आहे की, ‘लव्ह डोज 2’च्या सेटवर वाढदिवस साजरा करण्यात आला आहे. माझ्या या प्रवासात मी हनी सिंहचे आभार मानते. त्याच्यामुळे माझा वाढदिवस आणखी खास झाला आहे. तसेच माझ्या आयुष्यात तुमचा मोलाचा वाटा आहे.”
दरम्यान, उर्वशी सध्या तिच्या बर्थडे केकमुळे सोशल मीडियावर चांगलीच चर्चेत आली आहे. तसेच चाहत्यांनी तिच्या वाढदिवसानिमित्त तिच्यावर मोठ्या प्रमाणात शुभेच्छांचा वर्षाव केला आहे.
