प्रसिद्ध मराठमोळी अभिनेत्री पूजा सावंत आणि सिद्धेश चव्हाण लग्नबंधनात अडकले आहेत. नुकताच त्यांचा लग्नसोहळा मोठ्या थाटामाटात पार पडला. सध्या पूजा आणि सिद्धेशच्या लग्नसोहळ्याचे फोटो सोशल मीडियावर मोठ्या प्रमाणात व्हायरल होत आहेत.
गेल्या वर्षी नोव्हेंबर महिन्यात पूजा सावंतने सोशल मीडियावर सिद्धेशसोबतचे काही फोटो शेअर करत तिच्या प्रेमाची कबुली दिली होती. त्यानंतर पूजाच्या लग्नाच्या चर्चा सोशल मीडियावर रंगल्या होत्या. तर अखेर आज पूजा आणि सिद्धेश लग्नाच्या बेडीत अडकले आहेत. या दोघांच्या लग्नाला त्यांच्या कुटुंबीयांसह सिनेसृष्टीतील अनेक कलाकारांनी हजेरी लावली होती.
आता पूजा आणि सिद्धेशच्या लग्नसोहळ्यातील पहिला लूक समोर आला आहे. या दोघांनी लग्नानंतर माध्यमांसमोर उपस्थिती लावली होती. यावेळी पूजाने भरजरी दागिने, हिरवा चुडा आणि लाल रंगाची साडी नेसली होती, ज्यात ती खुप सुंदर दिसत होती. तर सिद्धेशने काळ्या रंगाची शेरवानी परिधान केली होती.
दरम्यान, सध्या पूजा आणि सिद्धेश या दोघांवर मोठ्या प्रमाणात शुभेच्छांचा वर्षाव होत आहे. त्यांच्यावर सोशल मीडियावरून चाहत्यांनी आणि मराठी सिनेसृष्टीतील कलाकारांनी शुभेच्छांचा वर्षाव केला आहे.
