इंडियन प्रीमियर लीगचा 17वा सीझन 22 मार्चपासून सुरू होत आहे. स्टार स्पोर्ट्स नेटवर्क आयपीएल 2024 चे थेट प्रक्षेपण करणार आहे. तर याआधी स्टार स्पोर्टसने आयपीएल 2024 चा धमाकेदार प्रोमो रिलीज केला आहे. या प्रोमोमध्ये ऋषभ पंत, केएल राहुल, हार्दिक पंड्या, श्रेयस अय्यर यांच्यासह भारतीय क्रिकेटपटू दिसत आहेत.
स्टार स्पोर्ट्सने X वर पोस्ट केले आहे की, ‘जेव्हा प्रत्येकजण स्टार स्पोर्ट्सवर टाटा आयपीएल एकत्र पाहतील, तेव्हा आश्चर्यकारक आयपीएलचा अप्रतिम रंग दिसेल. आयपीएलची खरी मजा तेव्हा येते जेव्हा तुम्ही मोठ्या पडद्यावर एकत्र बसून मॅच पाहता.
आयपीएलच्या प्रोमोच्या सुरुवातीला ऋषभ पंत दिसत आहे. तो पंजाबी लूकमध्ये दिसत असून ढाब्यावर बसून मॅच पाहत आहे. पंतनंतर श्रेयस अय्यरही दिसत आहे. तो बंगाली लूकमध्ये कुटुंबासोबत बसून सामना पाहत आहे. यादरम्यान त्याच्या हातात बंगालींचा आवडता रसगुल्लाही दिसतो. यानंतर केएल राहुलही प्रोमोमध्ये दिसत आहे. तो बेंगळुरूच्या एका अभ्यासू मुलाच्या भूमिकेत दिसत आहे. तो अभ्यास करत मॅच बघत असतो आणि प्रतिक्रिया देतो. तसेच या प्रोमोमध्ये भारताचा अष्टपैलू खेळाडू आणि मुंबई इंडियन्सचा नवा कर्णधार हार्दिक पंड्या देखील आहे. यामध्ये तो एका बिझनेस मॅनच्या लूकमध्ये दिसत आहे. तर तो एका मिटींगदरम्यान आयपीएलवरील प्रेम व्यक्त करताना दिसत आहे.
https://twitter.com/StarSportsIndia/status/1764145522741293381
दरम्यान, आयपीएलचा हा धमाकेदार प्रोमो सध्या सोशल मीडियावर मोठ्या प्रमाणात व्हायरल होत आहे. तसेच यंदा आयपीएल 2024 चा पहिला सामना खूपच रोमांचक असणार आहे. हा पहिला सामना IPL 2023 चे विजेते चेन्नई सुपर किंग्ज आणि रॉयल चॅलेंजर्स बंगलोर यांच्यात होणार आहे. पहिल्याच सामन्यात विराट कोहली आणि महेंद्रसिंग धोनीसारख्या स्टार भारतीय क्रिकेटपटूंना पाहण्याची संधी चाहत्यांना मिळणार आहे.
