सध्या बॉलिवूडचा बादशाह शाहरुख खान अडचणीत सापडला आहे. अनंत अंबानी आणि राधिका मर्चंटच्या प्री-वेडिंग सेलिब्रेशनला अनेक स्टार्स हजर होते. या कार्यक्रमादरम्यान साऊथ सुपरस्टार राम चरण याच्यावर केलेल्या कमेंटमुळे शाहरुख खान चांगलाच चर्चेत आला आहे. अलीकडेच जामनगरमध्ये झालेल्या या कार्यक्रमात बॉलिवूडचे तिन्ही खान म्हणजेच शाहरुख खान, सलमान खान आणि आमिर खान स्टेजवर एकत्र दिसले. यादरम्यान तिघांनीही धमाकेदार असा डान्स केला.
या परफॉर्मन्सदरम्यान ‘नाटू-नाटू’ गाण्याची हुक स्टेप करता न आल्याने तिन्ही कलाकारांनी रामचरणला स्टेजवरून बोलावले. मात्र यादरम्यान शाहरुखने गमतीने राम चरणला ‘इडली वडा’ म्हटले, यावर राम चरण काहीच बोलला नाही. पण यावर त्याची मेकअप आर्टिस्ट आणि त्याचे चाहते चांगलेच संतापले आहेत. यामुळे आता युजर्स आणि राम चरणचे चाहते शाहरुखवर नाराज झाले आहेत.
https://twitter.com/amanaggar02/status/1764195988129173740
साऊथच्या सुपरस्टारला ‘इडली वडा’ म्हणणे कितपत योग्य आहे? असा सवाल नेटिझन्सनी उपस्थित केला आहे. शाहरुखने अंबानींच्या पार्टीत मस्तीच्या मूडमध्ये हे कृत्य केले असले तरी चाहत्यांना हा साऊथच्या सुपरस्टारचा अपमान वाटला आहे. एवढेच नाही तर शाहरुखचे म्हणणे ऐकून राम चरणची मेकअप आर्टिस्ट झेबा हसन तिथून निघून गेली.
मेकअप आर्टिस्ट झेबा हसनने इव्हेंटमधील एक क्लिप शेअर करून राम चरणचा अनादर केल्याचा आरोप केल्यावर संपूर्ण वाद सुरू झाला. तिने इन्स्टाग्रामवर पोस्ट शेअर करताना लिहिले की, “इडली वडा राम चरण कुठे आहेस?’ हे ऐकून मी तिथून निघाले. कारण हा राम चरणसारख्या सुपरस्टारचा अपमान आहे.”
“मी शाहरुख खानची खूप मोठी फॅन आहे, पण त्याने ज्या पद्धतीने राम चरणला स्टेजवर बोलावले ते मला आवडले नाही”, असेही झेबा हसनने म्हटले आहे.
दरम्यान, शाहरूख खानने राम चरणला हाक मारताना इडली म्हटल्याने हा त्याचा अपमान असल्याचे नेटकऱ्यांनी म्हटले आहे. त्यामुळे नेटकऱ्यांमध्ये सध्या तीव्र भावना असल्याचे दिसून येत आहे. नेटकऱ्यांनी शाहरूखवर जोरदार टीका करण्यास सुरूवात केली आहे.
