अडल्ट फिल्म स्टार सोफिया लिओनचे निधन झाले आहे. ती 26 वर्षांची होती. तर सोफिया लिओन ही तिच्या राहत्या घरातच मृतावस्थेत आढळी आहे. तसेच तिच्या निधनाबाबतची बातमी तिच्या सावत्र वडिलांनी दिली आहे.
सोफियाच्या निधनाने संपूर्ण सिने इंडस्ट्रीत शोककळा पसरली आहे. सोफियाच्या निधनाबाबत तिचे सावत्र वडिल माइक रोमेरो यांनी ‘गो फाऊंड मी’ सोबत बोलताना सांगितले की, सोफियाच्या निधनाने आम्हाला मोठा धक्का बसला आहे. आम्हाला तिच्या निधनाची बातमी सांगताना प्रचंड दु:ख होत आहे. सोफिया ही एक चांगली मुलगी, मैत्रिण, बहीण, नात, भाची होती. तिला प्राण्यांची खूप आवड होती. तसेच तिला फिरायलाही आवडायचे.
1 मार्च रोजी सोफियाचे कुटुंब तिच्याशी संपर्क साधण्याचा प्रयत्न करत होते. मात्र, सोफियाने प्रतिसाद न दिल्याने कुटुंबाने पोलिसांना माहिती दिली. तर सोफिया ही तिच्या राहत्या घरात मृतावस्थेत आढळल्याने सध्या स्थानिक पोलिसांकडून याबाबतचा तपास सुरू आहे.
दरम्यान, सोफिया ही सोशल मीडियावर मोठ्या प्रमाणात सक्रिय असायची. गेल्या आठवड्यात तिने काही पोस्टही शेअर केल्या होत्या. अशातच आता सोफियाचे निधन झाल्याने तिच्या चाहत्यांना मोठा धक्का बसला आहे. सध्या चाहते सोशल मीडियाच्या माध्यमातून शोक व्यक्त करत आहेत.
