दिवंगत गायक सिद्धू मुसेवालाच्या घरी चिमुकल्या पाहुण्याचे आगमन झाले आहे. सिद्धू मुसेवालाची आई चरण कौर यांनी वयाच्या 58व्या वर्षी मुलाला जन्म दिला आहे. चरण कौर या दुसऱ्यांदा आई झाल्या आहेत. तसेच सिद्धू मुसेवालाचे वडील बलकौर सिंग यांनी नुकताच बाळाचा पहिला फोटो सोशल मीडियावर शेअर केला आहे.
बलकौर सिंग यांनी त्यांच्या इन्स्टाग्राम अकाऊंटवर बाळाचा पहिला फोटो शेअर केला आहे. या फोटोमध्ये बलकौर सिंग हे बाळाला मांडीवर घेऊन बसलेले दिसत आहेत. त्यांच्या शेजारी सिद्धू मुसेवालाचा फोटो देखील ठेवलेला दिसत आहे. तसेच बलकौर सिंग यांच्यासमोर एक केकही ठेवलेला दिसत आहे.
हा फोटो शेअर करत बलकौर सिंग यांनी कॅप्शनमध्ये लिहिले आहे की, “परमेश्वराने शुभदीपच्या लहान भावाला आमच्या मांडीवर ठेवले आहे. देवाच्या आशीर्वादाने बाळाची आणि त्याच्या आईची तब्येत बरी आहे. तसेच सर्व हितचिंतकांच्या प्रेमाबद्दल मी कृतज्ञ आहे.”
https://www.instagram.com/p/C4mZG1bSo6T/?utm_source=ig_web_copy_link
बलकौर सिंग यांनी बाळाचा पहिला फोटो शेअर केल्यानंतर चाहत्यांनी लाईक्स आणि कमेंट्सचा वर्षाव केला आहे. तसेच सिद्धू मुसेवालाच्या चाहत्यांनी चरण कौर आणि बलकौर सिंग यांच्यावर शुभेच्छांचा वर्षाव केला आहे.
सिद्धू मुसेवालाची गोळ्या झाडून करण्यात आली होती हत्या
29 मे 2022 रोजी सिद्धू मुसेवालाची गोळ्या झाडून हत्या करण्यात आली होती. या प्रकरणी गँगस्टर लॉरेन्स बिष्णोई आणि गोल्डी ब्रार यांच्यासह 25 जणांना अटक करण्यात आली आहे. सिद्धू मुसेवालाच्या निधनाने त्याच्या चाहत्यांना मोठा धक्का बसला होता. तसेच आजही त्याचे चाहते त्याला विसरू शकले नाहीयेत.
