सध्या सर्वांनाच IPL 2024 ची उत्सुकता लागली आहे. आयपीएल सुरू होण्यासाठी फक्त तीन दिवस राहिले आहेत, त्यामुळे सगळ्यांचे लक्ष त्याकडे लागले आहे. येत्या 22 मार्च रोजी चेन्नई सुपर किंग्ज (CSK) आणि रॉयल चॅलेंजर्स बंगळुरू (RCB) यांच्यातील सामन्याने आयपीएलची सुरूवात होणार आहे. अशातच आता पंजाब काँग्रेसचे माजी अध्यक्ष आणि माजी क्रिकेटपटू नवज्योत सिंग सिद्धू हे आयपीएलमध्ये पुन्हा एकदा दिसणार आहेत.
नवज्योत सिंग सिद्धू हे आयपीएल 2024 मध्ये दमदार एन्ट्री करणार असून ते पुन्हा एकदा कॉमेंट्री बॉक्समध्ये दिसणार आहेत. याबाबतची माहिती स्वत:नवज्योत सिंग सिद्धू यांनी सोशल मीडियावरून दिली आहे.
स्टार स्पोर्टसने नवज्योत सिंग सिद्धू यांना आयपीएल 2024 सीझन 17 साठी कॉमेंट्री करण्यासाठी साइन केले आहे. तसेच स्टार स्पोर्टसने याबाबतची माहितीही दिली आहे. 22 मार्चपासून सिद्धूचे वन लाइनर्स एकू येणार, असे स्टार स्पोर्टसने सोशल मीडियावर लिहिले आहे.
https://www.instagram.com/p/C4q1J4Jr42W/?utm_source=ig_web_copy_link
दरम्यान, 2014 मध्ये नवज्योत सिंग सिद्धू यांनी कॉमेंट्री सोडून राजकारणात प्रवेश केला होता. तर आता पुन्हा एकदा नवज्योत सिंग सिद्धू हे आयपीएलमध्ये पदार्पण करत कॉमेंट्री करताना दिसणार आहेत.
