लोकसभा निवडणुकीपूर्वी (Loksabha Elections) काँग्रेस (Congress) आणि भाजपमध्ये (BJP) शाब्दिक युद्ध सुरू झाले आहे. यावेळी भाजप मुख्यालयातील पत्रकार परिषदेत माजी केंद्रीय मंत्री आणि पक्षाचे राष्ट्रीय प्रवक्ते रविशंकर प्रसाद (Ravishankar Prasad) यांनी काँग्रेसवर निशाणा साधला आणि सांगितले की, काँग्रेसच्या सामूहिक पत्रकार परिषदेला एका शब्दात सांगता आले तर पराभवाच्या निराशेत हे निमित्त सापडले आहे.
काँग्रेस पक्ष राजकीयदृष्ट्या कोरडा आणि काटेरी बनला आहे. येत्या निवडणुकीत काँग्रेसचा पराभव निश्चित आहे, अशी टीका रविशंकर प्रसाद यांनी केली.
प्रसाद पुढे म्हणाले, मला राहुल गांधी आणि सोनिया गांधी यांना विचारायचे आहे की, देशातील जनता तुम्हाला मत देत नसेल तर भाजपने काय करायचे? राहुल गांधी जितके जास्त बोलतील, तितके काँग्रेसचे राजकीय मैदान कमी होईल.
या परिषदेला उपस्थित असलेले भाजपचे प्रवक्ते संबित पात्रा यांनीही काँग्रेसवर जोरदार निशाणा साधला. पात्रा म्हणाले की, बँक खाते गोठवण्याचा प्रश्न आहे, जर तुम्ही डिफॉल्टर असाल तर तुमच्यावरही तशीच वागणूक दिली जाईल. गांधी घराण्याने नेहमीच त्यांच्याकडे असलेल्या अधिकारांचा गैरवापर केला, ते डिफॉल्टर असू शकतात, परंतु त्यांच्या अधिकारांमुळे, कायद्याच्या तरतुदींपासून स्वतःला दूर ठेवण्याची त्यांची विचारसरणी आहे. मात्र पंतप्रधान नरेंद्र मोदी यांच्या कार्यकाळात अशा अधिकारांचे युग यापुढे सुरू राहणार नाही. आता जो दोषी असेल त्याच्यावर कारवाई केली जाईल.
प से पसीना आणि म से मेहनतीने नरेंद्र मोदी पंतप्रधान झाले आहेत. ज्याने घाम गाळला आणि मेहनत केली तोच जिंकेल, असेही पात्रा म्हणाले.
