बॉलिवूडच्या किंग खान (King Khan) सध्या चांगलाच चर्चेत आला आहे. कारण त्याचा एक व्हिडीओ सोशल मीडियावर मोठ्या प्रमाणात व्हायरल होत आहे. शाहरूख खान (Shah Rukh Khan) कोलकाता नाईट रायडर्स (Kolkata Knight Riders) आणि सनरायजर्स हैदराबाद (Sunrise Hyderabad) हा सामना पाहायला स्टेडियममध्ये गेला होता. त्यावेळी त्याने खुलेआम धुम्रपान केले. सध्या त्याचा हा धुम्रपान करतानाचा व्हिडीओ सोशल मीडियावर व्हायरल होत आहे.
व्हायरल होणाऱ्या व्हिडीओत शाहरूख खान व्हिआयपी बॉक्समध्ये क्रिकेटचा सामना पाहताना दिसत आहे. त्यावेळी शाहरूखसोबत आणखी काही लोकही दिसत आहे. यादरम्यान शाहरूख सिगारेट ओढताना दिसत आहे.
https://twitter.com/yaasir_hameed/status/1771599686979158030
शाहरूखचा धुम्रपान करतानाचा हा व्हिडीओ पाहून नेटकऱ्यांनी त्याला चांगेलच ट्रोल केले आहे. तसेच या व्हिडीओमुळे तो वादाच्या भोवऱ्यात अडकला आहे. याआधीही शाहरूख खान क्रिकेट स्टेडियमवर वादाच्या भोवऱ्यात अडकला होता. मुंबईतील वानखेडे स्टेडियमवर ग्राऊंड स्टाफसोबत बाचाबाची केल्याने त्याच्यावर स्टेडियममध्ये येण्यास पाच वर्षांसाठी बंदी घातली होती.
दरम्यान, शाहरूख खानने त्याच्या या व्हायरल व्हिडीओवर अद्याप कोणतेही भाष्य केलेलं नाहीये. तसंच त्याच्या या कृतीवर बंगाल क्रिकेट असोसिएशन काही कारवाई करणार का हे पाहणे महत्त्वाचे ठरणार आहे.
