केंद्रीय गृहमंत्री अमित शाह (Amit Shah) यांनी रंगांच्या होळीनिमित्त (Holi) लोकांना शुभेच्छा दिल्या आणि प्रत्येकाच्या आयुष्यात आनंद, समृद्धी, सौहार्द आणि नवीन ऊर्जा येवो अशा शुभेच्छा दिल्या. तसेच अमित शाह यांनी X वर पोस्ट करत म्हटले की, “होळीच्या सर्व देशवासियांना हार्दिक शुभेच्छा. आनंदाचा हा सण तुम्हा सर्वांच्या जीवनात समृद्धी आणि सौहार्दाचे रंग घेऊन येवो आणि नवीन ऊर्जेच्या प्रसाराचे माध्यम बनो.”
संरक्षण मंत्री राजनाथ सिंह (Rajnath Singh) यांनीही होळीच्या निमित्ताने देशवासियांना हार्दिक शुभेच्छा दिल्या आहेत. “तुम्हा सर्वांना होळीच्या सणाच्या हार्दिक शुभेच्छा. रंगांचा हा सण तुमच्या जीवनात आनंद, उत्साह आणि नवी ऊर्जा घेऊन येवो. होळीच्या शुभेच्छा!” असे राजनाथ सिंह यांनी X वरील त्यांच्या हँडलवरून पोस्ट केले आहे.
दरम्यान, रविवारी संरक्षणमंत्री राजनाथ सिंह यांनी लेहमध्ये सैनिकांसोबत होळीचा सण साजरा केला. त्यांच्यासोबत लष्करप्रमुख जनरल मनोज पांडे आणि फायर अँड फ्युरी कॉर्प्सचे जनरल ऑफिसर कमांडिंग लेफ्टनंट जनरल रशीम बाली होते. तसेच संरक्षणमंत्र्यांनी सियाचीन येथे तैनात कमांडिंग ऑफिसरशी फोनवर बोलून त्यांना लवकरात लवकर भेट देण्याचे आश्वासन दिले.
