लोकसभा निवडणुकीच्या पार्श्वभूमीवर महायुतीचे जागावाटप बऱ्यापैकी पूर्ण झाल्याचे दिसून येत आहे. दरम्यान आज राष्ट्रवादी काँग्रेसचे अध्यक्ष अजित पवार यांनी पुण्यात पत्रकार परिषद घेऊन राष्ट्रवादी काँग्रेसचा लोकसभेचा पहिला उमेदवार जाहीर केला आहे. गेले कित्येक दिवस राष्ट्रवादीला किती जागा मिळणार हा प्रश्न निर्माण झाला होता. आजही तो प्रश्न अनुत्तरीतच आहे. मात्र आता अजित पवारांनी आपला पहिला उमेदवार जाहीर केला आहे. रायगड लोकसभा मतदारसंघातून सुनील तटकरे यांना उमेदवारी जाहीर करण्यात आली आहे.
