भारतीय जनता पक्षाने (BJP) 2024 च्या लोकसभा निवडणुकीसाठी (Loksabha Elections) आणखी एक यादी जाहीर केली आहे. भाजपने आज आपली सातवी यादी जाहीर केली आहे. तर भाजपने आपल्या सातव्या यादीत दोन उमेदवारांची नावे जाहीर केली आहेत.
अमरावती मतदारसंघातून भाजपने नवनीत कौर राणा यांना उमेदवारी दिली आहे. तर कर्नाटकातील चित्रदुर्ग मतदारसंघातून गोविंद करजोल यांना उमेदवारी देण्यात आली आहे.
भाजपने लोकसभा निवडणुकीसाठी आपली सहावी यादी मंगळवारी जाहीर केली होती. भाजपच्या या यादीत तीन उमेदवारांची नावे जाहीर करण्यात आली. मणिपूर सरकारमधील मंत्री थौनाओजम बसंत कुमार सिंह यांना अंतर्गत मणिपूर मतदारसंघातून उमेदवारी देण्यात आली आहे. राजस्थानमधील दौसा येथून कन्हैया लाल मीना यांना उमेदवारी देण्यात आली आहे. तर करौली-धोलपूरमधून इंदूदेवी जाटव यांना तिकीट देण्यात आले आहे.
