प्रसिद्ध अभिनेत्री अदिती हैदरी (Aditi Hydari) आणि अभिनेता सिद्धार्थ (Siddharth) सध्या चांगलेच चर्चेत आले आहे. या दोघांनी काल (27 मार्च) गुपचूप लग्न उरकल्याचं म्हटलं जात आहे. अदिती आणि सिद्धार्थने तेलंगणातील एका मंदिरात लग्न केल्याची माहिती मिळाली आहे. अशातच आता अदिती आणि सिद्धार्थने एक गुड न्यूज चाहत्यांसोबत शेअर केली आहे.
अदिती आणि सिद्धार्थचा साखरपुडा झाल आहे. ही गुड न्यूज त्यांनी सोशल मीडियावर पोस्ट शेअर करत दिली आहे. सिद्धार्थ आणि अदितीने त्यांच्या इन्स्टाग्राम अकाऊंटवर एक खास फोटो शेअर केला आहे. या फोटोमध्ये अदितीच्या बोटात डायमंडची अंगठी दिसत आहे तर सिद्धार्थच्या बोटात सोन्याची अंगठी दिसत आहे.
सिद्धार्थ-अदिती हे दोघं आता एंगेज झाले आहेत. सिद्धार्थनं त्याच्या इन्स्टाग्राम अकाऊंटवर अदितीसोबतचा एक फोटो शेअर केला आहे. या फोटोला त्याने कॅप्शन दिलं आहे की, “तिने होकार दिला! एंगेज” तर अदितीनेही सिद्धार्थसोबतचा फोटो इन्स्टाग्रामवर शेअर केला आहे. या फोटोला तिनं कॅप्शन दिलं आहे की, “त्याने होकार दिला! एंगेज”
https://www.instagram.com/p/C5DZohvvoNj/?utm_source=ig_web_copy_link
अदिती आणि सिद्धार्थने ही गुड न्यूज शेअर करताच त्यांच्या चाहत्यांमध्ये आनंदाचे वातावरण आहे. चाहत्यांनी त्या दोघांच्या फोटोला मोठ्या प्रमाणात लाईक्स केले असून त्यांच्यावर शुभेच्छांचा वर्षाव केला आहे.
https://www.instagram.com/p/C5DZomMy4qq/?utm_source=ig_web_copy_link
दरम्यान, अदिती राव हैदरी आणि सिद्धार्थ हे दोघं 2021 मध्ये ‘महा समुद्रम’च्या सेटवर एकमेकांच्या प्रेमात पडले होते. यानंतर त्या दोघांनी अनेकदा एकत्र स्पॉट करण्यात आलं होतं. तसंच गेल्या वर्षी या अदितीच्या वाढदिवसानिमित्त सिद्धार्थने तिच्यासोबतचा एक खास फोटो सोशल मीडियावर शेअर केला होता. तेव्हापासून त्या दोघांच्या डेटिंगच्या चर्चांवर चाहत्यांनी शिक्कामोर्तब केलं होतं.
