Mumbai Indians Vs Sunrisers Hyderabad: काल आयपीएलच्या १७ व्या हंगामामध्ये मुंबई इंडियन्स विरुद्ध सनरायझर्स हैद्राबाद यांच्यात सामना पार पडला. या सामन्यात अनेक रेकॉर्ड तयार झाले आणि अनेक रेकॉर्ड मोडले गेले आहेत. कारण कालच्या सामन्यात ५०० पेक्षा जास्त धावा झाल्याचा रेकॉर्ड झाला आहे. तर हैद्राबादने मुंबईवर ३१ धावांनी विजय प्राप्त केला आहे. हैदराबादने या स्पर्धेत आपला पहिला विजय प्राप्त केला असून मुंबईला सलग दुसरा पराभव स्वीकारावा लागला आहे. मात्र या सामन्यात हैदराबादची मालकीण काव्या मारन देखील उपस्थित होती. या सामन्यांमधील तिचे काही व्हिडीओज व्हायरल होत आहेत.
हैद्राबादच्या विजयानंतर सीईओ काव्या मारन खूपच आनंदात दिसत होती. हैद्राबादच्या विजयानंतर तिने खेळाडूंचे अभिनंदन देखील केले आहे. यामध्ये ती किती आनंदात आहे आणि मुंबईच्या विकेट पडल्यावर ती किती खुश आहे याचे काही व्हिडीओज सोशल मीडियावर व्हायरल होत आहेत. काव्या अनेकदा हैदराबादचे सामने पाहण्यासाठी येत असते. कालच्या झालेल्या ऐतिहासिक सामन्यात देखील ती उपस्थित होती. सामना चालू असताना तिने खेळाडूंना प्रोत्साहन देखील दिले. तसेच रोहित शर्माच्या विकेटनंतर ती खूप खुश झाली होती.
गुजरात टायटन्स विरुद्धच्या सामन्यात कर्णधार हार्दिक पंड्या हा माजी कनरहदार रोहित शर्माला फिल्डिंगसाठी पळवत आहे असा एक व्हिडीओ व्हायरल झाला आहे. हार्दिकने रोहितला बाऊंड्री लाईनवर अनेकदा धावायला लावले होते. या व्हिडीओवरून हार्दिक पंड्या प्रचंड मोठ्या प्रमाणत व्हायरल झाला होता. रोहित शर्माबरोबर असे लागल्यामुळे रोहित शर्माच्या चाहत्यांनी त्याला प्रचंड ट्रोल केले. मात्र कालच्या हैद्राबादच्या सामन्यात रोहित शर्माने आपली ताकद दाखवली आहे. त्याचा एक व्हिडीओ व्हायरल होत आहे.
