तब्बू, करीना कपूर आणि क्रिती सेनॉन स्टारर “क्रू” शुक्रवार, आज थिएटरमध्ये रिलीज झाला आहे. चित्रपटाने जबरदस्त ओपनिंग केली आहे. या चित्रपटाने पहिल्याच दिवशी मोठी कमाई केली. 2024 मधील सर्वाधिक ओपनिंग करणारा हा चित्रपट ठरला आहे.
प्रेक्षक ‘क्रू’च्या रिलीजची आतुरतेने वाट पाहत होते. कारण हा चित्रपट प्रदर्शित होण्यापूर्वीच खूप चर्चेत होता. आधी चित्रपटाचा मनोरंजक टीझर प्रदर्शित झाला, त्यानंतर ट्रेलरने प्रेक्षकांची उत्कंठा वाढवली होती. . या चित्रपटाच्या निमित्ताने करीना, तब्बू आणि क्रिती पहिल्यांदाच एकत्र आले आहेत. चित्रपटाची पहिल्या दिवसाची कमाई समोर आली आहे.
“Sacnilk” च्या रिपोर्टनुसार, “Crew” ने पहिल्या दिवशी भारतात 8.75 कोटी रुपयांची कमाई केली आहे. या चित्रपटाने जगभरात 20.07 कोटींची कमाई केली आहे. शुक्रवार असूनही चित्रपटाने पहिल्याच दिवशी चांगली कमाई केली आहे. चित्रपटाच्या वीकेंड बॉक्स ऑफिस कलेक्शनमध्ये आणखी वाढ होण्याची शक्यता आहे.
“क्रू” चे दिग्दर्शन राजेश कृष्णन यांनी केले असून त्यात कपिल शर्मा, दिलजीत दोसांझ, शाश्वत चॅटर्जी आणि राजेश शर्मा यांच्याही भूमिका आहेत. या विनोदी चित्रपटाने पहिल्याच दिवशी चांगली कमाई केली आहे. हा चित्रपट बॉक्स ऑफिसवर अजय देवगणच्या ‘शैतान’ या चित्रपटाशी टक्कर देत आहे पण चित्रपट प्रदर्शित होऊन तीन आठवडे झाले आहेत. याशिवाय दुसरा कोणताही बॉलीवूड मधला मोठा चित्रपट प्रदर्शित झालेला नाही, त्याचा फायदा या चित्रपटाला होऊ शकतो.
