सध्या संपूर्ण राज्यभरात कडक उन्हाळा जाणवू लागला आहे. एकिकडे उन्हाचा तडाखा असतानाच दुसरीकडे पावसाची शक्यता वर्तवण्यात आली आहे. हवामान विभागाच्या अंदाजानुसार, राज्यातील काही भागात अवकाळी पाऊस पडण्याची शक्यता आहे.
मागील दोन दिवसांमध्ये राज्याच्या काही भागात अवकाळी पावसाने हजेरी लावली होती. तर आज विदर्भ मराठवाडय़ातील काही जिल्ह्य़ांमध्ये यलो अलर्ट जारी करण्यात आला आहे.
वर्धा, नागपूर, अमरावती, गोंदिया, भंडारा या जिल्ह्यांमध्ये आज गारपिटीची शक्यता वर्तवण्यात आली आहे. तसंच बुलढाणा, वाशिम, अकोला, लातूर, चंद्रपूर, यवतमाळ, जळगाव, उस्मानाबाद, कोल्हापूर, सातारा या जिल्ह्यांमध्ये वादळी वाऱ्यासह अवकाळी पावसाची शक्यता आहे. तर या जिल्ह्यांना पावसाचा यलो अलर्ट जारी करण्यात आला आहे.
