एलजेपी आणि सीपीआय-एमएलनंतर आता काँग्रेसनेही बिहारमधील लोकसभा निवडणुकीसाठी 3 जागांसाठी उमेदवारांची नावे जाहीर केली आहेत. काँग्रेसला इंडिया आघाडीतील 9 जागांवर आपल्या उमेदवारांची नावे जाहीर करायची आहेत.
आता फक्त आरजेडीला उमेदवारांची नावे जाहीर करणे बाकी आहे. काँग्रेसने 3 जागांवर उमेदवारांची नावे जाहीर केली आहेत. यामध्ये किशनगंजमधून मो. जावेद यांना तिकीट मिळाले आहे. तारिक अन्वर यांना कटिहारमधून तर अजित शर्मा यांना भागलपूरमधून तिकीट दिले आहे.
याआधी चिराग पासवान यांच्या लोक जनशक्ती पार्टीने (रामविलास) पाचही जागांवर आपल्या उमेदवारांची नावे जाहीर केली आहेत. चिराग पासवान यांचे मेहुणे अरुण भारती हे जमुई मतदारसंघातून उमेदवार ठरले आहेत. वैशालीमधून वीणा देवी यांना उमेदवारी देण्यात आली आहे. राजेश वर्मा यांना खगरियामधून उमेदवारी देण्यात आली आहे, तर चिराग पासवान हाजीपूर लोकसभा मतदारसंघातून स्वबळावर निवडणूक लढवणार आहेत.
