नवी मुंबईत (Mumbai) एक भीषण आगीची घटना घडली आहे. नवभारत इंडस्ट्रियल केमिकल कंपनीला (Navbharat Industrial Chemical Company) आग (Fire) लागल्याची धक्कादायक घटना घडली आहे. या केमिकल कंपनीला आग लागल्यानंतर सगळीकडे धुराचे लोट दिसत आहेत. तर या घटनेची माहिती मिळताच घटनास्थळी अग्निशमन दलाच्या गाड्या दाखल झाल्या आहेत.
सध्या या घटनेचा व्हिडीओ सोशल मीडियावर व्हायरल होत आहे. केमिकल कंपनीला लागलेली आग इतकी भीषण होती की आगीचे लोट रस्त्यापर्यंत पसरले आहेत. त्यामुळे परिसरात धुराचे लोट पसरले आहेत. तर सध्या घटनास्थळी अग्निशमन दलाच्या 5 गाड्या दाखल झाल्या असून आगीवर नियंत्रण आणण्यासाठी प्रयत्न सुरू आहेत.
अग्निशमन दलाच्या जवानांसोबत स्थानिक देखील आगीवर नियंत्रण मिळवण्यासाठी प्रयत्न करत आहेत. तर या आगीत कोणतीही जीवितहानी झालेली नाही. तसेच ही आग नेमकी कशामुळे लागली याचे कारण अद्याप समोर आलेले नाही.
