काल (2 एप्रिल) मुंबई इंडियन्स (Mumbai Indians) आणि राजस्थान रॉयल्स (Rajasthan Royals) यांच्यात चुरशीचा सामना रंगला होता. या सामन्यात राजस्थान रॉयल्सने दमदार कामगिरी करत मुंबई इंडियन्सचा 6 गडी राखून दारून पराभव केला. हार्दिक पांड्याच्या (Hardik Pandya) नेतृत्वाखालील मुंबई इंडियन्सचा सलग तिसऱ्यांदा पराभव झाला आहे.
मुंबई इंडियन्सला अजूनही विजयाचे खाते उघडता आलेले नाहीये. त्यामुळे मुंबई इंडियन्सच्या चाहत्यांमध्ये नाराजीचे वातावरण आहे. तसंच चाहत्यांनी हार्दिक पांड्याला मोठ्या प्रमाणात ट्रोल करण्यास सुरूवात केली आहे.
कालच्या सामन्यात राजस्थान रॉयल्सने मुंबई इंडियन्सचा 6 गडी राखून पराभव केला. मुंबईने दिलेले 126 धावांचे लक्ष्य राजस्थानने 15.3 षटकांत केवळ 4 गडी गमावून पूर्ण केले. तर कालच्या या पराभवानंतर कर्णधार हार्दिक पांड्याने इन्स्टाग्रामवर एक भावनिक पोस्ट शेअर केली आहे.
हार्दिक पांड्याने त्यांच्या इन्स्टाग्राम अकाऊंटवर एक पोस्ट शेअर केली आहे. या पोस्टमध्ये त्याने म्हटले आहे की, “तुम्हाला जर या संघाबद्दल एक गोष्ट जाणून घ्यायची असेल तर ती म्हणजे आम्ही कधीही हार मानणार नाही. आम्ही लढत राहू आणि पुढे जात राहू.”
https://twitter.com/hardikpandya7/status/1775051082399658041
हार्दिकने या पोस्टमध्ये एक फोटो देखील शेअर केला आहे. या फोटोत मुंबई इंडियन्सचा संघ एकत्र मैदानावर दिसत आहे. तर सध्या हार्दिकची ही पोस्ट सोशल मीडियावर मोठ्या प्रमाणात व्हायरल होत असून चाहते त्यावर कमेंट्स करत आहेत.
